ಪೇಟಿಎಂ ವ್ಯಾಲೆಟ್‌ನಲ್ಲಿ ಲಂಚ; ಪೊಲೀಸ್‌ ಕಾನ್‌ಸ್ಟೆಬಲ್‌ ಬಂಧನ

ಜೈಪುರ: ರಾಜಸ್ಥಾನದ ಪೊಲೀಸ್‌ ಅಧಿಕಾರಿ ದಲುರಾಮ್‌ ಜಾಟ್‌ (25) ಮತ್ತು ಸಹಾಯಕ ಸಬ್‌ ಇನ್‌ಸ್ಪೆಕ್ಟೆರ್‌ ಪ್ರೇಮ್‌ ಕುಮಾರ್‌ ಅವರು ಲಂಚವಾಗಿ 12,000 ರೂ. ಸ್ವೀಕರಿಸುವ ವೇಳೆ ಬಂಧನಕ್ಕೊಳಗಾಗಿದ್ದಾರೆ.

ಬಂಧಿತರು 5,000 ರೂ. ಅನ್ನು ಈ ಮೊದಲೇ ಕೊಟ್ಟಿದ್ದು, 2 ಸಾವಿರ ರೂ. ಅನ್ನು ಪೇಟಿಎಂ ವ್ಯಾಲೆಟ್‌ ಮೂಲಕ ಪಡೆದುಕೊಂಡಿದ್ದರು. ಉಳಿದ ಬಾರಿ 5000 ರೂ. ಕ್ಯಾಶ್‌ ತೆಗೆದುಕೊಳ್ಳುವ ವೇಳೆ ಎಸಿಬಿ ಬಲೆಗೆ ಬಿದ್ದಿದ್ದಾರೆ ಎಂದು ಎಸಿಬಿ ಅಧಿಕಾರಿಗಳು ತಿಳಿಸಿದ್ದಾರೆ.

ತಮ್ಮತ್ತ ಬರುತ್ತಿದ್ದ ಎಸಿಬಿ ಬ್ಯೂರೋ ತಂಡವನ್ನು ನೋಡಿದ ಆರೋಪಿಗಳು ಲಂಚದ ಹಣವನ್ನು ಚರಂಡಿಗೆ ಎಸೆದಿದ್ದಾರೆ. ಹಣವನ್ನು ವಶಪಡಿಸಿಕೊಳ್ಳಲಾಗಿದ್ದು, ಭ್ರಷ್ಟಾಚಾರ ತಡೆ ಕಾಯ್ದೆಯಡಿ ಆರೋಪಿಗಳ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.