ಹಾವಿನ ವಿಷದಲ್ಲಿ ಕೋವಿಡ್ ಮದ್ದು?!

ಸಾವೊ ಪೌಲೋ: ಬ್ರೆಜಿಲ್‌ನಲ್ಲಿ ಕಾಣಸಿಗುವ ಜಕಾರಾಕುಸು ಎಂಬ ಜಾತಿಯ ಹಾವಿನ ವಿಷದಲ್ಲಿರುವ ವಿಶೇಷ ಗುಣವೊಂದು, ಕೋವಿಡ್ ವೈರಾಣುಗಳನ್ನು ನಾಶ ಮಾಡುವ ಗುಣ ಹೊಂದಿದೆ ಎಂದು ಬ್ರೆಜಿಲ್‌ನ ಸಂಶೋಧಕರು ತಿಳಿಸಿದ್ದಾರೆ.

ಅವರ ಈ ಸಂಶೋಧನಾ ವರದಿ ಮಾಲೆಕ್ಯೂಲ್ಸ್‌ ಎಂಬ ವೈಜ್ಞಾನಿಕ ನಿಯತಕಾಲಿಕೆಯಲ್ಲಿ ಪ್ರಕಟವಾಗಿದೆ.

ವಿಷವನ್ನು ಸಂಸ್ಕರಿಸಿ ಪ್ರಯೋಗಾಲಯದಲ್ಲಿ ಔಷಧವನ್ನು ತಯಾರಿಸಲಾಗಿದ್ದು, ಅದನ್ನು ಕೋವಿಡ್ ಸೋಂಕಿಗೆ ಒಳಗಾದ ಕೋತಿಗಳಿಗೆ ಹಾಗೂ ಕತ್ತೆಗಳಿಗೆ ಪ್ರಾಯೋಗಿಕವಾಗಿ ನೀಡಲಾಗಿತ್ತು.

ಕತ್ತೆಗಳಲ್ಲಿ ಕೋವಿಡ್ ವೈರಾಣು ಹರಡುವಿಕೆಯನ್ನು ತಡೆಯುವಲ್ಲಿ ಈ ಔಷಧ ಶೇ. 75ರಷ್ಟು ಪರಿಣಾಮಕಾರಿಯಾಗಿದೆ ಎಂದು ಸಾವೊಪೌಲೋ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ರಫೇಲ್‌ ಗೈಡೋ ತಿಳಿಸಿದ್ದಾರೆ.

ಇದನ್ನೂ ಓದಿ:‘ಮುಸ್ಲೀಮರ ಕ್ಯಾನ್ಸರ್ ಚಿಕಿತ್ಸೆಗೆ ಹಣ’ ನನ್ನ ಯೋಜನೆಯಲ್ಲ: ಸಚಿವೆ ಶಶಿಕಲಾ ಸ್ಪಷ್ಟೀಕರಣ