ಬಾಲಕನ ಪುಸ್ತಕ ಪ್ರೀತಿಗೆ ಉಡುಗೊರೆ!

ಈಗಿನ ಕಾಲದಲ್ಲಿ ಮಕ್ಕಳು ಕೈಯಲ್ಲಿ ಪುಸ್ತಕ ಹಿಡಿಯುವುದಕ್ಕಿಂತ ಮೊಬೈಲ್‌ ಹಿಡಿಯುವುದೇ ಹೆಚ್ಚು.

ಅದರಲ್ಲೂ ಪಠ್ಯಕ್ರಮ ಹೊರತಾದ ಪುಸ್ತಕಗಳನ್ನು ಓದುವುದೇ ಅಪರೂಪ. ಪರಿಸ್ಥಿತಿ ಹೀಗಿರುವಾಗ ಪುಸ್ತಕ ಕೊಳ್ಳಲು ಹಣ ಕೊರೊತೆಯಾದಾಗ ಪುಸ್ತಕದ ಅಂಗಡಿಯವರು ಹಿಂದೆ-ಮುಂದೆ ಆಲೋಚಿಸದೇ ಆ ಪುಸ್ತಕವನ್ನು ಬಾಲಕನ ಕೈಗಿಟ್ಟು, ಆತನ ಕಣ್ಣುಗಳಲ್ಲಿ ಹೊಳಪು ಮೂಡಿಸಿದ ಘಟನೆ ವರದಿಯಾಗಿದೆ.

ಬಾಲಕನೊಬ್ಬ ತನ್ನ ನೆಚ್ಚಿನ ಮಂಗಾ ಕಾಮಿಕ್‌, “ಡ್ರ್ಯಾಗನ್‌ ಬಾಲ್‌ ಜೆಡ್‌’ ಖರೀದಿಸಲು ಪುಸ್ತಕದಂಗಡಿಗೆ ಹೋಗಿದ್ದಾನೆ. ಪುಸ್ತದ ಬೆಲೆ 699 ರೂ. ಇದ್ದು, ಆದರೆ ಆತನ ಜೇಬಿನಲ್ಲಿ 400 ರೂ. ಮಾತ್ರ ಇತ್ತು. ಇದನ್ನು ತಿಳಿದ ಪುಸ್ತಕದ ಮಾಲೀಕ, ಬಾಲಕನ ಬಳಿ ಇದ್ದ 400 ರೂ. ಮಾತ್ರವೇ ಪಡೆದು, ಪುಸ್ತಕವನ್ನು ಆತನಿಗೆ ನೀಡಿದ್ದಾರೆ. ಇದರಿಂದ ಬಾಲಕ ಹರ್ಷಿತನಾಗಿ ಮನೆಗೆ ತೆರಳಿದ್ದಾನೆ.

ಈ ಘಟನೆಯನ್ನು ಟ್ವಿಟರ್‌ನಲ್ಲಿ “ವಾಕಿಂಗ್‌ ಬುಕ್‌ಫೇರ್’ ಹಂಚಿಕೊಂಡಿದೆ. ಪುಸ್ತಕ ಮಾಲೀಕರ ಪ್ರತಿಕ್ರಿಯೆಗೆ ಅನೇಕರು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.