ಸಿಡ್ನಿ: ಲಾಕ್‌ಡೌನ್‌ನಲ್ಲಿ ಬೋರ್‌ ಎಂದು ವ್ಯಕ್ತಿಯೊಬ್ಬ ಮನೆಯ ಗಾರ್ಡನ್‌ನ ಸುತ್ತ 18 ಅಡಿ ಎತ್ತರದ ಗೋಡೆ ನಿರ್ಮಿಸಿದ್ದಾನೆ.
ದುರದೃಷ್ಟವಶಾತ್‌ ಇದೀಗ ಆ ಗೋಡೆಯನ್ನು ನೆಲಸಮ ಮಾಡಬೇಕಾಗಿದೆ!
ಆಸ್ಟ್ರೇಲಿಯಾದ ಸಿಡ್ನಿಯ ಆಲಿ ಎಂಬಾತ ಗಾರ್ಡನ್‌ ಸುತ್ತ 18 ಅಡಿ ಎತ್ತರದ ಗೋಡೆ ನಿರ್ಮಿಸಿದ್ದಾನೆ. ಅದರ ಮೇಲೆ ಸುಂದರ ಕಲಾಕೃತಿಗಳನ್ನೂ ರಚಿಸಿದ್ದಾನೆ.
ಗೋಡೆಯ ಒಂದು ಮುಖದಲ್ಲಿ ಕಲಾಕೃತಿಗಳನ್ನು ರಚಿಸಿದ ಆತ ಇನ್ನೊಂದು ಮುಖವನ್ನೂ ಸುಂದರವಾಗಿಸುವ ಉದ್ದೇಶ ಹೊಂದಿದ್ದನಂತೆ.
ಆದರೆ ಅಷ್ಟರಲ್ಲಿ ಆತನ ಪಕ್ಕದ ಮನೆಯವ ತಕರಾರು ಎತ್ತಿದ್ದಾನೆ. ಪಕ್ಕದ ಮನೆಯಿಂದ ಆ ಗೋಡೆಯನ್ನು ನೋಡಿದರೆ ಬರೀ ತಂತಿ, ಸ್ಟೀಲ್‌ಗ‌ಳೇ ಕಾಣುತ್ತವೆಯಂತೆ. ಇದರಿಂದ ತನಗೆ ತೊಂದರೆಯಾಗಿದ್ದು, ಮನೆಯ ಹೊರಗೆ ಏನೂ ಕಾಣದಂತಾಗಿದೆ ಎಂದು ಆತ ನ್ಯಾಯಾಲಯದ ಮೆಟ್ಟಿಲೇರಿದ್ದಾನೆ.
ಇದನ್ನೂ ಓದಿ:ಉತ್ತರ ಪ್ರದೇಶದ ಹೆಮ್ಮೆ “ಪೂರ್ವಾಂಚಲ ಎಕ್ಸ್‌ಪ್ರೆಸ್‌ ವೇ’
ಆ ಹಿನ್ನೆಲೆಯಲ್ಲಿ ಗೋಡೆಯನ್ನು ಇನ್ನೆರೆಡು ವಾರದಲ್ಲಿ ಕೆಡವಿ ಹಾಕುವಂತೆ ನ್ಯಾಯಾಲಯ ನೋಟಿಸ್‌ ನೀಡಿದೆ.
