ಎಡಪದವು: ಪುಸ್ತಕ ವಿತರಣೆ, ಸಾಧಕರಿಗೆ ಸಮ್ಮಾನ

ಎಡಪದವು: ಗಂಜಿಮಠ ಶ್ರೀ ವಿಜಯ ವಾಹಿನಿ ವತಿಯಿಂದ 15ನೇ ವರ್ಷದ ಉಚಿತ ಪುಸ್ತಕ ವಿತರಣೆ ಮತ್ತು ಸಮ್ಮಾನ ಮಳಲಿಯ ಸ. ಹಿ.ಪ್ರಾಥಮಿಕ ಶಾಲಾ ಸಭಾಂಗಣದಲ್ಲಿ ನಡೆಯಿತು.

ಗಂಜಿಮಠ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಅಮಿತ್‌ರಾಜ್‌ ಉದ್ಘಾಟಿಸಿದರು. ಮಳಲಿ ಪುಷ್ಪಪುರ ವಿಷ್ಣುಮೂರ್ತಿ ದೇವಸ್ಥಾನದ ಅರ್ಚಕ ಸತ್ಯನಾರಾಯಣ ಉಪಾಧ್ಯಾಯ ಮಾತನಾಡಿದರು.

ಮಳಲಿಯ ಸ. ಪ್ರೌಢ ಶಾಲೆ, ಹಿ. ಪ್ರಾ.ಶಾಲೆ, ಬಡಗ ಉಳಿಪಾಡಿ, ತೆಂಕ ಉಳಿಪಾಡಿ, ಮೊಗರು ಗ್ರಾಮದ ವಿದ್ಯಾರ್ಥಿಗಳಿಗೆ ಒಟ್ಟು 1.60 ಲಕ್ಷ ರೂ. ಮೌಲ್ಯದ ಪುಸ್ತಕ ವಿತರಿಸಲಾಯಿತು. ಬಡ ಹೆಣ್ಣುಮಕ್ಕಳ ಕುಟುಂಬಸ್ಥರಿಗೆ ಧನ ಸಹಾಯ ಹಸ್ತಾಂತರಿಸಲಾಯಿತು. ಎಕೆಯು ಪ್ರೌಢಶಾಲೆಯ ನಿವೃತ್ತ ಶಿಕ್ಷಕ ಅರುಣ್‌ ಕುಮಾರ್‌ ಶೆಟ್ಟಿ ಅವರನ್ನು ಸಮ್ಮಾನಿಸಲಾಯಿತು. ಕಾರ್ಯಕ್ರಮದಲ್ಲಿ ಇತ್ತೀಚೆಗೆ ಮೃತಪಟ್ಟ ನಿವೃತ್ತ ಶಿಕ್ಷಕ ಮಾದಮಯ್ಯ, ಹ್ಯಾರಿ ರಸ್ಕೀನ್ಹಾ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು. ತಾ.ಪಂ. ಸದಸ್ಯ ಜಿ. ಸುನಿಲ್, ದಯಾನಂದ ಪೂಜಾರಿ, ಪುರುಷೋತ್ತಮ್‌, ಮಾಲತಿ, ಝಾಕಿರ್‌ ಆರ್‌.ಎಸ್‌., ಜೆಸಿಂತಾ ಡಿ. ಕುನ್ಹಾ, ವೆಲೇರಿಯನ್‌, ಅಬ್ಟಾಸ್‌, ಶಿಕ್ಷಕ ಶ್ರೀಪತಿ, ಬೂಬ ಪೂಜಾರಿ, ಸುಧಾಕರ ಟೈಲರ್‌, ಉಮರಬ್ಬ, ನೇತ್ರಾವತಿ ಉಪಸ್ಥಿತರಿದ್ದರು.