Again ವಿಮಾನಕ್ಕೆ ಬಾಂಬ್‌ ಬೆದರಿಕೆ: ವಾರದಲ್ಲಿ 4ನೇ ಘಟನೆ

ಮುಂಬಯಿ: ಪ್ಯಾರಿಸ್‌ನಿಂದ ಮುಂಬಯಿಗೆ ಬರುತ್ತಿದ್ದ ವಿಸ್ತಾರಾ ವಿಮಾನಕ್ಕೆ ರವಿವಾರ ಬಾಂಬ್‌ ಬೆದರಿಕೆ ಬಂದಿದೆ. ವಾರದಲ್ಲಿ ಬಂದ 4ನೇ ಬಾಂಬ್‌ ಬೆದರಿಕೆ ಇದಾಗಿದೆ. ಬೆದರಿಕೆ ಸಂದೇಶ ಬಂದ ಕೂಡಲೇ ಮುಂಬಯಿ ವಿಮಾನ ನಿಲ್ದಾಣದಲ್ಲಿ ತುರ್ತು ಪರಿಸ್ಥಿತಿ ಘೋಷಿಸಿ, ವಿಮಾನವನ್ನು ಸುರಕ್ಷಿತವಾಗಿ ಲ್ಯಾಂಡ್‌ ಮಾಡಲಾಗಿದೆ. ಸಿಬಂದಿ ಸೇರಿ 306 ಪ್ರಯಾಣಿಕರು ಸುರಕ್ಷಿತವಾಗಿದ್ದಾರೆ. ರವಿವಾರ ಬೆಳಗ್ಗೆ 10:08 ಗಂಟೆಗೆ ವಿಮಾನದಲ್ಲಿನ ಬ್ಯಾಗ್‌ನ ಮೇಲೆ ಪತ್ರ ದೊರಕಿತ್ತು. ಇತ್ತೀಚೆಗೆ ವಿಸ್ತಾರಾ ಹಾಗೂ ಇಂಡಿಗೊ ವಿಮಾನಗಳಿಗೆ ಹುಸಿ ಬಾಂಬ್‌ ಬೆದರಿಕೆ ಬಂದಿದ್ದವು.