Delhi: ದಿಲ್ಲಿ ಹೈಕೋರ್ಟ್‌ಗೆ ಬಾಂಬ್‌ ಬೆದರಿಕೆ

ನವದೆಹಲಿ: ದೆಹಲಿ ಹೈಕೋರ್ಟ್‌ಗೆ ಬಾಂಬ್‌ ಬೆದರಿಕೆ ಕರೆ ಬಂದಿದ್ದು, “ನಾಳೆ ದೆಹಲಿಯಲ್ಲಿ ದೊಡ್ಡ ಮಟ್ಟದ ಸ್ಫೋಟ ಸಂಭವಿಸಲಿದೆ ಎಂದು ರಿಜಿಸ್ಟ್ರಾರ್‌ ಜನರಲ್‌ ಅವರ ಅಧಿಕೃತ ಇಮೇಲ್‌ ಖಾತೆಗೆ ಮೇಲ್‌ ರವಾನಿಸಲಾಗಿದೆ. ಬಲವಂತ್‌ ದೇಸಾಯಿ ಎಂಬಾತನಿಂದ ಇಮೇಲ್‌ ಬಂದಿದ್ದು, ಗುರುವಾರ ಕೋರ್ಟ್‌ ಆವರಣದಲ್ಲಿ ಆಗುವ ಸ್ಫೋಟವು ದೆಹಲಿಯಲ್ಲೇ ಅತಿ ಭೀಕರ ಸ್ಫೋಟವೆನಿಸಲಿದೆ ಎಂದೂ ಬರೆಯಲಾಗಿದೆ.

ಈ ಹಿನ್ನೆಲೆಯಲ್ಲಿ ಶೋಧ ಕಾರ್ಯ ನಡೆಸಿರುವ ಪೊಲೀಸರು, ದೆಹಲಿಯ ಎಲ್ಲ ಕೋರ್ಟ್‌ಗಳಲ್ಲೂ ಬಿಗಿ ಭದ್ರತೆ ಕೈಗೊಂಡಿದ್ದಾರೆ.