ಮುಂಬಯಿ: ಬಾಲಿವುಡ್‌ ದಂಪತಿ ಅಭಿಷೇಕ್ ಬಚ್ಚನ್(Abhishek Bachchan) ಹಾಗೂ ಐಶ್ವರ್ಯಾ ರೈ (Aishwarya Rai) ನಡುವಿನ ಸಂಬಂಧದಲ್ಲಿ ಬಿರುಕು ಕಾಣಿಸಿಕೊಂಡಿದೆ ಎನ್ನುವ ಸುದ್ದಿ ಕಳೆದ ಕೆಲ ದಿನಗಳಿಂದ ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ.
ಬಿಗ್‌ ಬಿ ಕುಟುಂಬದ ಸೊಸೆ ಐಶ್ವರ್ಯಾ ರೈ ಕಳೆದ ಕೆಲ ಸಮಯದಿಂದ ಸುದ್ದಿಯಲ್ಲಿದ್ದಾರೆ. ಇತ್ತೀಚೆಗೆ ಅಭಿಷೇಕ್ ಬಚ್ಚನ್ ಅವರೊಂದಿಗೆ ಹಾಗೂ ಬಿಗ್‌ ಬಿ ಕುಟುಂಬದ ಜೊತೆ ಐಶ್ವರ್ಯಾ ಅಷ್ಟಾಗಿ ಕಾಣಿಸಿಕೊಳ್ಳುತ್ತಿಲ್ಲ.
ಇದಕ್ಕೆ ಇತ್ತೀಚೆಗಿನ ಉದಾಹರಣೆ ಅಂಬಾನಿ ಪುತ್ರನ ಮದುವೆ. ಅನಂತ್‌ – ರಾಧಿಕಾ ಮದುವೆಗೆ ಅಮಿತಾಭ್‌ ಬಚ್ಚನ್(Amitabh Bachchan) ಅವರ ಕುಟುಂಬ ಜೊತೆಯಾಗಿ ಬಂದಿತ್ತು. ಆದರೆ ಐಶ್ವರ್ಯಾ ರೈ ಹಾಗೂ ಪುತ್ರಿ ಆರಾಧ್ಯ ಪ್ರತ್ಯೇಕವಾಗಿ ಫೋಟೋಗ್ರಾಫರ್‌ ಗಳಿಗೆ ಪೋಸ್‌ ಕೊಟ್ಟಿದ್ದಾರೆ. ಬಿಗ್‌ ಬಿ ಕುಟುಂಬದ ಜೊತೆ ಐಶ್ವರ್ಯಾ ರೈ ಫೋಟೋಗೆ ನಿಂತಿಲ್ಲ. ಈ ವಿಚಾರ ಅಭಿಷೇಕ್ – ಐಶ್ವರ್ಯಾ ಸಂಬಂಧದಲ್ಲಿ ಬಿರುಕು ಕಾಣಿಸಿಕೊಂಡಿದೆ ಎನ್ನುವ ಮಾತಿಗೆ ಪುಷ್ಟಿ ನೀಡಿದೆ.
ಕೆಲವೊಂದು ವರದಿಗಳ ಪ್ರಕಾರ ಅಭಿಷೇಕ್ – ಐಶ್ವರ್ಯಾ ಅವರ ನಡುವಿನ ಅಂತರ ಹೆಚ್ಚಾಗಿದ್ದು, ವಿಚ್ಚೇದನದ (Divorce)ಬಗ್ಗೆ ಯೋಚನೆ ಮಾಡಿದ್ದಾರೆ ಎನ್ನಲಾಗಿದೆ.
ಈ ಮಾತು ಸುದ್ದಿಯಲ್ಲಿರುವಾಗಲೇ ಅಭಿಷೇಕ್ ಬಚ್ಚನ್ ಅವರು ಸೋಶಿಯಲ್‌ ಮೀಡಿಯಾದಲ್ಲಿ ವಿಚ್ಚೇದನದ ಕುರಿತ ಪೋಸ್ಟ್‌ ವೊಂದಕ್ಕೆ ಲೈಕ್‌ ಕೊಟ್ಟಿರುವ ಸ್ಕ್ರೀನ್‌ ಶಾಟ್‌ ವೊಂದು ವೈರಲ್ ಆಗಿದೆ.
ಲೇಖಕಿಯೊಬ್ಬರು ʼವಿಚ್ಚೇದನ ಬಳಿಕದ ಸವಾಲುʼ ಎನ್ನುವ ವಿಚಾರದ ಬಗ್ಗೆ ಇನ್ಸ್ಟಾಗ್ರಾಮ್‌ ನಲ್ಲಿ ಪೋಸ್ಟ್‌ ವೊಂದನ್ನು ಹಂಚಿಕೊಂಡಿದ್ದಾರೆ. ಈ ಪೋಸ್ಟ್‌ ಗೆ ಅಭಿಷೇಕ್ ಬಚ್ಚನ್ ಅವರು ಲೈಕ್‌ ಕೊಟ್ಟಿದ್ದಾರೆ.
ಅಭಿಷೇಕ್ ಬಚ್ಚನ್ ಅವರು ಲೈಕ್‌ ಕೊಟ್ಟಿರುವ ಸ್ಕ್ರೀನ್‌ ಶಾಟ್‌ ನ್ನು ಬಳಕೆದಾರನೊಬ್ಬ ರೆಡ್ಡಿಟ್‌ನಲ್ಲಿ ಹಂಚಿಕೊಂಡಿದ್ದಾನೆ.
“ವಿಚ್ಛೇದನವು ಯಾರಿಗೂ ಸುಲಭವಲ್ಲ” ಎಂದು ಶುರುವಾಗುವ ಪೋಸ್ಟ್‌ ನಲ್ಲಿ ವಿಚ್ಚೇದನದ ಬಳಿಕದ ಜೀವನ ಅಷ್ಟು ಸುಲಭವಲ್ಲ ಎನ್ನುವ ಸವಾಲುಗಳ ಬಗ್ಗೆ ಹೇಳಲಾಗಿದೆ.
ಸದ್ಯ ಅಭಿಷೇಕ್ ಬಚ್ಚನ್ ಈ ಪೋಸ್ಟ್‌ ಗೆ ಮೆಚ್ಚುಗೆ ಕೊಟ್ಟಿರುವುದು ಅವರ ದಾಂಪತ್ಯ ಜೀವನದಲ್ಲಿನ ಬಿರುಕಿನ ಬಗ್ಗೆ ಮತ್ತಷ್ಟು ಪ್ರಶ್ನೆ ಹುಟ್ಟುವಂತೆ ಮಾಡಿದೆ.
ಸಿನಿಮಾದ ವಿಚಾರಕ್ಕೆ ಬಂದರೆ ಅಭಿಷೇಕ್ ಬಚ್ಚನ್ ಶಾರುಖ್‌ ಖಾನ್‌ ಅವರ ʼಕಿಂಗ್‌ʼ ಸಿನಿಮಾದಲ್ಲಿ ವಿಲನ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
