ಫಿಕ್ಸಿಂಗ್‌: ದಕ್ಷಿಣ ಆಫ್ರಿಕಾ ಕ್ರಿಕೆಟಿಗ ಗುಲಾಮ್‌ ಬೋಡಿಗೆ ಜೈಲು

ಜೋಹಾನ್ಸ್‌ಬರ್ಗ್‌: ದಕ್ಷಿಣ ಆಫ್ರಿಕಾ ಪರ 3 ಸೀಮಿತ ಓವರ್‌ಗಳ ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿರುವ ಕ್ರಿಕೆಟಿಗ ಗುಲಾಮ್‌ ಬೋಡಿಗೆ ನ್ಯಾಯಾಲಯ ಮ್ಯಾಚ್‌ ಫಿಕ್ಸಿಂಗ್‌ ಹಗರಣಕ್ಕೆ ಸಂಬಂಧಿಸಿ 5 ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ.

2015ರಲ್ಲಿ ಸ್ಥಳೀಯ ಟಿ20 ಪಂದ್ಯದ ವೇಳೆ ಮ್ಯಾಚ್‌ ಫಿಕ್ಸಿಂಗ್‌ ಮಾಡಿದ ಆರೋಪ ಬೋಡಿ ಮೇಲಿತ್ತು. ಇದಕ್ಕಾಗಿ “ಕ್ರಿಕೆಟ್‌ ಸೌತ್‌ ಆಫ್ರಿಕಾ’ ಅವರಿಗೆ 20 ವರ್ಷಗಳ ನಿಷೇಧ ಹೇರಿತ್ತು.