Kasaragod: ಬೋಟು ಅಪಘಾತ; ನಾಲ್ವರಿಗೆ ಗಾಯ

ಕಾಸರಗೋಡು: ಇಲ್ಲಿನ ಕಸಬ ಕಡಪ್ಪುರದಿಂದ ಮೀನುಗಾರಿಕೆಗೆ ತೆರಳಿದ್ದ ಬೋಟ್‌ ತೃಕ್ಕನ್ನಾಡು ಕಡಪ್ಪುರದಿಂದ 8 ಕಿ.ಮೀ. ದೂರದಲ್ಲಿ ಅಪಘಾತಕ್ಕೀಡಾಗಿದೆ.

ಮುಳುಗುತ್ತಿದ್ದ ಬೋಟ್‌ನಿಂದ ಮೀನು ಕಾರ್ಮಿಕರಾದ ಕಾಸರಗೋಡು ಕಡಪ್ಪುರದ ಎಸ್‌.ಕೆ. ದಾಸನ್‌, ಶ್ರೀನಿವಾಸನ್‌, ಷಣ್ಮುಖನ್‌, ರಮೇಶನ್‌ ಅವರನ್ನು ಇತರ ಬೋಟ್‌ಗಳಲ್ಲಿದ್ದವರು ರಕ್ಷಿಸಿದ್ದಾರೆ. ಈ ನಾಲ್ವರು ಸಣ್ಣಪುಟ್ಟ ಗಾಯಗೊಂಡಿದ್ದು ಕಾಸರಗೋಡು ಜನರಲ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬೋಟ್‌ ಮುಳುಗಿ 6 ಲಕ್ಷ ರೂ. ನಷ್ಟ ಸಂಭವಿಸಿದೆ.