2.15 ಕೋ.ರೂ.ನ ಬಿಎಂಡಬ್ಲ್ಯೂ

ಮುಂಬೈ: ಜರ್ಮನ್‌ ಮೂಲದ ಕಾರು ಕಂಪನಿ ಬಿಎಂಡಬ್ಲ್ಯೂ ಭಾರತದ ಮಾರುಕಟ್ಟೆಯಲ್ಲಿ ಬಹಳ ಜನಪ್ರಿಯ. ಇದು ಇದು ತನ್ನ ಇತಿಹಾಸದಲ್ಲೇ ಅತೀ ದುಬಾರಿ ಕಾರನ್ನು ಭಾರತದ ಮಾರುಕಟ್ಟೆಗೆ ಇಳಿಸಿದೆ. ಎಂ8 ಕೂಪ್‌ ಹೆಸರಿನ ಇದಕ್ಕೆ 2.15 ಕೋಟಿ ರೂ. ಬೆಲೆ! ಇದೇ ವೇಳೆ ಗ್ರ್ಯಾನ್‌ ಕೂಪ್‌ ಇನ್ನೊಂದು ಕಾರನ್ನೂ ಪರಿಚಯಿಸಿದೆ. ಇದು ಎರಡು ಮಾದರಿಯಲ್ಲಿದೆ. ಇದರ ಬೆಲೆ 1.29 ಕೋಟಿ ರೂ.ನಿಂದ 1.55 ಕೋಟಿ ರೂ. ನಡುವೆ ಬರುತ್ತದೆ.

ಹೇಗಿದೆ ಎಂ8 ಕೂಪ್‌?: ಎಂಟು ಸಿಲಿಂಡರ್‌ನ 4 ಲೀಟರ್‌ ಪೆಟ್ರೋಲ್‌ ಎಂಜಿನ್‌ ಹೊಂದಿದೆ. ಇದು ಬಿಎಂಡಬ್ಲ್ಯೂ ಉತ್ಪಾದಿಸಿದ ಎಂಜಿನ್‌ಗಳಲ್ಲೇ ಅತಿ ಬಲಿಷ್ಠ. ಕೇವಲ 3.3 ಸೆಕೆಂಡ್‌ಗಳಲ್ಲಿ ಕಾರನ್ನು 0ಯಿಂದ 100 ಕಿ.ಮೀ. ವೇಗಕ್ಕೆ ಎತ್ತಬಹುದು. ಇನ್ನು ಗ್ರ್ಯಾನ್‌ ಕೂಪ್‌, 6 ಸಿಲಿಂಡರ್‌ನ 3 ಲೀಟರ್‌ ಪೆಟ್ರೋಲ್‌ ಎಂಜಿನ್‌ ಹೊಂದಿದೆ. 5.2 ಸೆಕೆಂಡ್‌ಗಳಲ್ಲಿ
0ಯಿಂದ 100 ಕಿ.ಮೀ. ವೇಗಕ್ಕೆ ಪರಿವರ್ತಿಸಬಹುದು. ಎರಡೂ ಕಾರುಗಳಲ್ಲಿ 6 ಏರ್‌ಬ್ಯಾಗ್‌ಗಳಿವೆ. ಇದನ್ನೂ ಸೇರಿ ಗ್ರಾಹಕರ ಸುರಕ್ಷತೆಗೆ ಗರಿಷ್ಠ ಆದ್ಯತೆ ನೀಡಲಾಗಿದೆ.