BMW ಅಪಘಾತ ಕೇಸ್‌: ಆರೋಪಿ ವಿರುದ್ಧ ಲುಕ್‌ಔಟ್‌ ನೋಟಿಸ್‌

ಮುಂಬಯಿ: ಮಹಿಳೆಯ ಸಾವಿಗೆ ಕಾರಣವಾದ ಮುಂಬಯಿಯ ಬಿಎಂಡಬ್ಲ್ಯು ಕಾರು ಅಪಘಾತ ಪ್ರಕರಣ ಸಂಬಂಧ ಆರೋಪಿ, ಶಿವಸೇನೆ ನಾಯಕನ 24 ವರ್ಷದ ಪುತ್ರನ ವಿರುದ್ಧ ಮುಂಬಯಿ ಪೊಲೀಸರು ಲುಕ್‌ ಔಟ್‌ ನೋಟಿಸ್‌ ಜಾರಿ ಮಾಡಿದ್ದಾರೆ. ಆತನ ಪತ್ತೆಗೆ ಪೊಲೀಸರು 6 ತಂಡಗಳನ್ನೂ ರಚಿಸಿದ್ದಾರೆ.

ಇದೇ ವೇಳೆ, ಅಪಘಾತಕ್ಕೂ ಸ್ವಲ್ಪ ಸಮಯದ ಹಿಂದೆ ಆರೋಪಿ ಮಿಹಿರ್‌ ಶಾ, ಜುಹು ಬಳಿಯ ಬಾರ್‌ಗೆ ತೆರಳಿದ್ದು, ಅಲ್ಲಿ 18,730 ರೂ. ಬಿಲ್‌ ಮಾಡಿದ್ದಾನೆ ಎನ್ನಲಾಗಿದೆ. ಈ ಬಿಲ್‌ನ ಪ್ರತಿ ಪೊಲೀ ಸರಿಗೆ ದೊರೆತಿದ್ದು, ಆತ ಮದ್ಯಪಾನ ಮಾಡಿರುವುದಕ್ಕೆ ಈ ಬಿಲ್‌ ಪುರಾವೆಯಾಗುವ ಸಾಧ್ಯತೆಯಿದೆ ಎನ್ನಲಾಗಿದೆ. ಅಪಘಾತ ನಡೆದ ಬಳಿಕ ಆರೋಪಿ ಮಿಹಿರ್‌ ತನ್ನ ಡ್ರೈವರ್‌ ರಾಜ್‌ರಿಷಿ ಬಿದಾವತ್‌ಗೆ ಕಾರ್‌ ನೀಡಿ ತಾನು ಪರಾರಿಯಾಗಿದ್ದಾನೆ.