ಬ್ರಾಡ್‌ಗೆ ಹಿನ್ನೆಡೆ: ಆಲ್ಭಾ ಬೆಟ್‌ಗೆ ನಷ್ಟ

ನ್ಯೂಯಾರ್ಕ್‌: ಮೈಕ್ರೋಸಾಫ್ಟ್ ನ ಕೃತಕ ಬುದ್ಧಿಮತ್ತೆ ಆಧಾರಿತ ಚಾಟ್‌ ಜಿಪಿಟಿಗೆ ಪ್ರತಿಸ್ಪರ್ಧಿಯಾಗಿ ಗೂಗಲ್‌ನ ಮಾತೃಸಂಸ್ಥೆ ಆಲ್ಫಾಬೆಟ್‌ ರೂಪಿಸಿದ್ದ “ಬ್ರಾಡ್‌’ ಮಾರುಕಟ್ಟೆಯಲ್ಲಿ ಭಾರೀ ಹಿನ್ನಡೆ ಉಂಟಾಗಿದೆ.

ಅದನ್ನು ಪ್ರಚಾರ ಮಾಡುವ ವಿಡಿಯೋದಲ್ಲಿ ಪ್ರಶ್ನೆಯೊಂದಕ್ಕೆ ತಪ್ಪು ಮಾಹಿತಿ ನೀಡಿದೆ. ಈ ಹಿನ್ನೆಲೆಯಲ್ಲಿ ಆಲ್ಫಾಬೆಟ್‌ ಇಂಕ್‌ನ ಮಾರುಕಟ್ಟೆ ಮೌಲ್ಯ  8.24 ಲಕ್ಷ ಕೋಟಿ ರೂ. (100 ಬಿಲಿಯನ್‌ ಡಾಲರ್‌)ಗೆ ಇಳಿಕೆಯಾಗಿದೆ.

ನಾಸ್‌ಡಾಕ್‌ನಲ್ಲಿ ಫೆ.8ರಂದು ಕಂಪನಿಯ ಷೇರುಗಳು ಶೇ.7.8 ಇಳಿಕೆಯಾಗಿವೆ. ಪ್ಯಾರಿಸ್‌ನಲ್ಲಿ ಬ್ರಾಡ್‌ನ‌ ಬಗ್ಗೆ ಪರಿಚಯಾತ್ಮಕ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು. ಆ ಸಂದರ್ಭದಲ್ಲಿ ಈ ತಪ್ಪುಗಳು ಗೊತ್ತಾಗಿವೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಆಲ್ಫಾಬೆಟ್‌ ವಕ್ತಾರರು, ಗ್ರಾಹಕರಿಗೆ ಅನುಕೂಲವಾಗುವಂತೆ ಬ್ರಾಡ್‌ ಅನ್ನು ಪುನರ್‌ ವಿನ್ಯಾಸಗೊಳಿಸಲಾಗುತ್ತದೆ ಎಂದರು.