ಜೀವ ರಕ್ಷಿಸುವಲ್ಲಿ ರಕ್ತದಾನಿಗಳ ಪಾತ್ರ,ಕಾಳಜಿ ಮಹತ್ವದ್ದು: ಡಾ|ವರ್ಮುಡಿ

ಪೆರ್ಲ:ರಕ್ತದಾನ ಮಹಾದಾನ.ಜೀವ ರಕ್ಷಿಸುವಲ್ಲಿ ರಕ್ತದಾನಿಗಳ ಪಾತ್ರ,ಕಾಳಜಿ ಮಹತ್ವವಾಗಿದೆ.ಆದರೆ ರಕ್ತದಾನದ ಬಗ್ಗೆ ಇರುವ ತಪ್ಪು ಕಲ್ಪನೆಯಿಂದ ಜನರು ಹೊರಬಂದು ರಕ್ತದಾನಕ್ಕೆ ಮುಂದೆ ಬಂದರೆ ರಕ್ತಕೊರತೆ ನೀಗಿಸಿ ಅದೆಷ್ಟೋ ಜೀವಗಳನ್ನು ರಕ್ಷಿಸಬಹುದು ಎಂದು ಪೆರ್ಲ ನಲಂದಾ ಕಾಲೇಜು ಪ್ರಾಂಶುಪಾಲ ಡಾ.ವಿಘ್ನೇಶ್ವರ ವರ್ಮುಡಿ ಹೇಳಿದರು.

ಅವರು ನಲಂದಾ ಕಾಲೇಜಿನ ಎನ್ನೆಸ್ಸೆಸ್‌ ಘಟಕದ ನೇತೃತ್ವದಲ್ಲಿ ನಡೆದ ವಿಶ್ವ ರಕ್ತದಾನಿಗಳ ದಿನಾಚರಣೆಯಲ್ಲಿ ಮುಖ್ಯ ಅತಿಥಿಗಳಾಗಿ ಮಾತನಾಡಿದರು.

ದಿನನಿತ್ಯ ರಕ್ತದ ಬೇಡಿಕೆ ಹೆಚ್ಚಾಗುತ್ತಿದ್ದು ಆರೋಗ್ಯವಂತ ವ್ಯಕ್ತಿ ಪ್ರತಿ ಮೂರು ತಿಂಗಳಿಗೊಮ್ಮೆ ರಕ್ತ ನೀಡುವುದರಿಂದ ಆತನಲ್ಲಿ ಹೊಸ ರಕ್ತ ಉತ್ಪತ್ತಿಯಾಗಿ ಮತ್ತಷ್ಟು ಚೈತನ್ಯದಿಂದ ಇರಲು ಸಾಧ್ಯ.ಇಂದು ರಕ್ತಕ್ಕೆ ಪರ್ಯಾಯ ಇನ್ನೊಂದಿಲ್ಲ .ರಕ್ತದಾನ ದಿನಾಚರಣೆ ಆಚರಿಸಿ ಜನರಲ್ಲಿ ರಕ್ತದಾನದ ಬಗ್ಗೆ ಜಾಗೃತಿಮೂಡಿಸುವ ಕಾರ್ಯ ಶ್ಲಾಘನೀಯ ಎಂದು ಹೇಳಿದರು. ಎನ್ನೆಸ್ಸೆಸ್‌ ಕಾರ್ಯದರ್ಶಿಗಳಾದ ಅಭಿಲಾಶ್‌,ಜಗತ್‌,ಅಜಿತ್‌,ಕಾವ್ಯ,ಅಂಜನ ಉಪಸ್ಥಿತರಿದ್ದರು.ಯೋಜನಾಧಿಕಾರಿ ಸುರೇಶ್‌ ಕೆ.ಎಂ.ಸ್ವಾಗತಿಸಿ,ಸ್ನೇಹ ವಂದಿಸಿದರು.ಚೈತ್ರ ನಿರೂಪಿಸಿದರು.