2019ರಲ್ಲಿ ಒಡಿಶಾದಲ್ಲಿ ಬಿಜೆಪಿ ಅಧಿಕಾರಕ್ಕೆ:ವೆಂಕಯ್ಯ ನಾಯ್ಡು ಭವಿಷ್ಯ

ಭುವನೇಶ್ವರ : ಒಡಿಶಾದಲ್ಲಿ ಈಚೆಗೆ ನಡೆದಿದ್ದ ಗ್ರಾಮೀಣ ಚುನಾವಣೆಗಳಲ್ಲಿ ಅತ್ಯುತ್ತಮ ನಿರ್ವಹಣೆ ತೋರಿರುವ ಬಿಜೆಪಿ ಯು ಈಗಿನ್ನು 2019ರಲ್ಲಿ ನಡೆಯಲಿರುವ ರಾಜ್ಯ ವಿಧಾನಸಭಾ ಚುನವಾಣೆಯಲ್ಲಿ ಗೆಲವು ಸಾಧಿಸಿ ಅಧಿಕಾರಕ್ಕೆ ಬರಲಿದೆ ಎಂದು ಹಿರಿಯ ಬಿಜೆಪಿ ನಾಯಕ, ಕೇಂದ್ರ ಸಚಿವ ವೆಂಕಯ್ಯ ನಾಯ್ಡು ಭವಿಷ್ಯ ನುಡಿದ್ದಾರೆ.

ಬಿಜೆಪಿ ರಾಷ್ಟ್ರೀಯ ಕಾರ್ಯಕಾರಿಣಿಯಲ್ಲಿ ಪಾಲ್ಗೊಳ್ಳಲು ಇಲ್ಲಿಗೆ ಬಂದಿರುವ ವೆಂಕಯ್ಯ ನಾಯ್ಡು ಅವರು, 2019ರ ಒಡಿಶಾ ವಿಧಾನಸಭಾ ಚುನಾವಣೆಯನ್ನು ಗೆದ್ದು ಅಧಿಕಾರಕ್ಕೆ ಬರಲು ಭಾರತೀಯ ಜನತಾ ಪಕ್ಷ ಯತ್ನಿಸಲಿದೆ ಎಂದು ಹೇಳಿದರು. 

ಒಡಿಶಾದಲ್ಲಿ ಈಚೆಗೆ ನಡೆದಿದ್ದ ಗ್ರಾಮೀಣ ಚುನಾವಣೆಗಳಲ್ಲಿ ಬಿಜೆಪಿ 297 ಜಿಲ್ಲಾ ಪರಿಷತ್‌ ಸೀಟುಗಳನ್ನು ಗೆದ್ದಿತ್ತು. ಒಡಿಶಾದಲ್ಲಿ ಪ್ರಧಾನ ಪ್ರತಿಪಕ್ಷವಾಗಿರುವ ಕಾಂಗ್ರೆಸ್‌ ಕೇವಲ 60 ಜಿಲ್ಲಾ ಪರಿಷತ್‌ ಸ್ಥಾನಗಳನ್ನು ಗೆದ್ದಿತ್ತು. 

ಪಶ್ಚಿಮ ಬಂಗಾಲದಲ್ಲೂ ಬಿಜೆಪಿ ಉತ್ತಮ ನಿರ್ವಹಣೆ ತೋರುವ ವಿಶ್ವಾಸವನ್ನು ವೆಂಕಯ್ಯ ನಾಯ್ಡು ವ್ಯಕ್ತಪಡಿಸಿದರು.