ತಡವಾಗಿ ಬಂದ ಪ್ರತಾಪ್‌ ಸಿಂಹಗೆ ಬಿಎಸ್‌ವೈ ಟಾಂಗ್‌

ಬೆಂಗಳೂರು: ತೂಕಡಿಸಿ ಬರುತ್ತಿರುವ ಎಂಪಿ ಮುಂದೆ ಬರಬೇಕು.ಹೀಗೆಂದು ಬಿಜೆಪಿ ಯುವ ಮೋರ್ಚಾ ಅಧ್ಯಕ್ಷರೂ ಆಗಿರುವ ಮೈಸೂರು ಸಂಸದ ಪ್ರತಾಪ್‌ ಸಿಂಹ ಅವರನ್ನು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ ಛೇಡಿಸಿದ್ದು ಹೀಗೆ. ನಗರದ ಅರಮನೆ ಮೈದಾನದದಲ್ಲಿ ಮಂಗಳವಾರ ನಡೆದ ಬಿಜೆಪಿ ಚುನಾವಣಾ ಉಸ್ತುವಾರಿಗಳ ಕರ್ನಾಟಕ ದಕ್ಷಿಣ ಭಾಗದ ಕಾರ್ಯಾಗಾರದ ಉದ್ಘಾಟನಾ ಕಾರ್ಯಕ್ರಮಕ್ಕೆ ಪ್ರತಾಪ್‌ ಸಿಂಹ ತಡವಾಗಿ ಬಂದಿದ್ದು ಇದಕ್ಕೆ ಕಾರಣ.

ಕಾರ್ಯಕ್ರಮ ಉದ್ಘಾಟನಾ ಕಾರ್ಯಕ್ರಮ ಮುಗಿಯುವ ಹಂತ ಬಂದಾಗ ಪ್ರತಾಪ್‌ ಸಿಂಹ ಅವರು ವೇದಿಕೆ ಬಳಿ ಬಂದರು. ಇದನ್ನು ಗಮನಿಸಿದ ಯಡಿಯೂರಪ್ಪ, ತೂಕಡಿಸಿ ಬರುತ್ತಿರುವ ಎಂಪಿ ಮುಂದೆ ಬರಬೇಕು ಎಂದು ಛೇಡಿಸಿದರು. ಇದಕ್ಕೆ ಪ್ರತಾಪ್‌ಸಿಂಹ ಯಾವುದೇ ಪ್ರತಿಕ್ರಿಯೆ ನೀಡದೆ ತಲೆತಗ್ಗಿಸಿಕೊಂಡು ಮುಂದೆ ನಡೆದರು.