ಶಾಸಕನ ಮನೆ ಮೇಲೆ ದಾಳಿ

ಮೀರತ್‌: ಉತ್ತರ ಪ್ರದೇಶದ ಸರ್ಧಾನದ ಬಿಜೆಪಿ ಶಾಸಕ, ಮುಜಾಫ‌ರ್‌ನಗರ ಗಲಭೆಯ ಆರೋಪಿಯೂ ಆಗಿರುವ ಸಂಗೀತ್‌ ಸೋಮ್‌  ಮನೆ ಮೇಲೆ ಅಪರಿಚಿತ ದುಷ್ಕರ್ಮಿಗಳು ಗುರುವಾರ ಬೆಳಗ್ಗೆ ದಾಳಿ ನಡೆಸಿದ್ದಾರೆ. ಕಾರಿನಲ್ಲಿ ಬಂದ ದುಷ್ಕರ್ಮಿಗಳು ಮನೆ ಮೇಲೆ ಗುಂಡು ಹಾರಿಸಿ, ಗ್ರೆನೇಡ್‌ಗಳನ್ನು ಎಸೆದಿದ್ದಾರೆ. ಝೆಡ್‌-ಕೆಟಗರಿ ಭದ್ರತೆಯಲ್ಲಿರುವ ಸೋಮ್‌ ಮನೆಗೆ ನಿಯೋಜಿಸಿರುವ ಐವರು ಪೊಲೀಸರನ್ನು ಅವರ ನಿಷ್ಕ್ರಿಯತೆ ಕಾರಣ ಅಮಾತನುಗೊಳಿಸಲಾಗಿದೆ.