ನಾಗಾಲ್ಯಾಂಡ್‌: ಎನ್‌ಡಿಪಿಪಿ ಜತೆಗೆ ಬಿಜೆಪಿ ಚುನಾವಣಾ ಮೈತ್ರಿ

ಕೊಹಿಮಾ : ಇದೇ ಫೆಬ್ರವರಿ 27ರಂದು ನಡೆಯಲಿರುವ ನಾಗಾಲ್ಯಾಂಡ್‌ ವಿಧಾನಸಭಾ ಚುನಾವಣೆಯಲ್ಲಿ  ಮಾಜಿ ಮುಖ್ಯಮಂತ್ರಿ ನೀಫಿಯೋ ರಿಯೋ ಅವರು ಆರಂಭಿಸಿರುವ ನ್ಯಾಶನಲಿಸ್ಟ್‌ ಡೆಮೊಕ್ರಾಟಿಕ್‌ ಪೀಪಲ್ಸ್‌ ಪಾರ್ಟಿ (ಎನ್‌ಡಿಪಿಪಿ) ಯೊಂದಿಗೆ ಚುನಾವಣಾ ಮೈತ್ರಿ ಹೊಂದಲು ಬಿಜೆಪಿ ನಿರ್ಧರಿಸಿದೆ.

ಬಿಜೆಪಿಯು ತನ್ನ ಹದಿನೈದು ವರ್ಷಗಳ ಮೈತ್ರಿ ಕೂಟದ ಪಾಲುದಾರ, ಆಳುವ ನಾಗಾ ಪೀಪಲ್ಸ್‌ ಫ್ರಂಟ್‌ (ಎನ್‌ಪಿಎಫ್) ಪಕ್ಷವನ್ನು ಬದಿಗಿಟ್ಟಿದೆ. 

ದಿಲ್ಲಿಯಲ್ಲಿ ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಮತ್ತು ರಿಯೋ ನಡುವೆ ನಡೆದಿದ್ದ ಸಭೆಯಲ್ಲಿ ಈ ನಿರ್ಧಾರವನ್ನು ಕೈಗೊಳ್ಳಲಾಗಿದೆ ಎಂದು ಬಿಜೆಪಿಯ ನಾಗಾಲ್ಯಾಂಡ್‌ ಅಧ್ಯಕ್ಷ ಹಾಗೂ ಪಕ್ಷದ ರಾಜ್ಯ ಮಾಧ್ಯಮ ವಿಭಾಗದ ಸಂಚಾಲಕ ಕೆ ಜೇಮ್ಸ್‌ ವಿಜೋ ಇಂದು ತಿಳಿಸಿದ್ದಾರೆ.