ವಾಯುವ್ಯ ದೆಹಲಿ ಕ್ಷೇತ್ರಕ್ಕೆ ಖ್ಯಾತ ಗಾಯಕ ಹಂಸ್‌ರಾಜ್‌ಗೆ ಬಿಜೆಪಿ ಟಿಕೆಟ್‌

ಹೊಸದಿಲ್ಲಿ : ವಾಯುವ್ಯ ದೆಹಲಿ ಕ್ಷೇತ್ರಕ್ಕೆಹಾಲಿ ಸಂಸದ ಉದಿತ್‌ ರಾಜ್‌ಗೆ ಟಿಕೆಟ್‌ ನೀಡದಿರುವ ಬಿಜೆಪಿ ಪ್ರಖ್ಯಾತ ಗಾಯಕ ಹಂಸ್‌ ರಾಜ್‌ ಹಂಸ್‌ ಅವರನ್ನು ಅಭ್ಯರ್ಥಿಯನ್ನಾಗಿಸಿದೆ. ಉದಿತ್‌ ರಾಜ್‌ ಅವರು ಬಂಡಾಯ ಸಾರಿದ್ದು ಪಕ್ಷೇತರನಾಗಿ ಕಣಕ್ಕಿಳಿಯುವುದಾಗಿ ಘೋಷಿಸಿದ್ದಾರೆ.

ಹಂಸ್‌ ರಾಜ್‌ಗೆ ಟಿಕೆಟ್‌ ಘೋಷಿಸಿದ ಬಳಿಕದೆಹಲಿಯ ಎಲ್ಲಾ 7 ಕ್ಷೇತ್ರಗಳಿಗೂ ಬಿಜೆಪಿ ಅಭ್ಯರ್ಥಿಗಳನ್ನು ಘೋಷಿಸಿದಂತಾಗಿದೆ.

ಹಂಸ್‌ರಾಜ್‌ ಅವರು 2016 ರಲ್ಲಿ ಕಾಂಗ್ರೆಸ್‌ ತೊರೆದು ಬಿಜೆಪಿ ಸೇರ್ಪಡೆಯಾಗಿದ್ದರು. ಅದಕ್ಕೂ ಮುನ್ನ ಅವರು ಎನ್‌ಡಿಎ ಮಿತ್ರಪಕ್ಷವಾಗಿರುವ ಶಿರೋಮಣಿ ಆಕಾಲಿದಳದ ಸದಸ್ಯರಾಗಿದ್ದರು.

ಜನಪದ, ಸೂಫಿ ಗಿತೇಗಳ ಮೂಲಕ ಜನಪ್ರಿಯರಾಗಿರುವ ಹಂಸರಾಜ್‌ ಬಾಲಿವುಡ್‌ನ‌ಲ್ಲೂ ಹಲವು ಗೀತೆಗಳಿಗೆ ಧ್ವನಿಯಾಗಿದ್ದಾರೆ.