ಹಾಯಾಗಿ ಬೈಕ್ ಓಡಿಸುತ್ತೆ ಈ ನಾಯಿ : ವೀಡಿಯೋ ವೈರಲ್

ಹದಿನೆಂಟು ವರ್ಷ ತುಂಬಿತ್ತಾ? ಹಾಗಾದರೆ ಒಂದು ಲೈಸನ್ಸ್ ಮಾಡಬೇಕು, ಒಂದು ಹೊಸ ಬೈಕ್ ಖರೀದಿಸಬೇಕು ಅನ್ನುವ ಯಾವ ಚಿಂತೆಯೋ ಇಲ್ಲದೆ ಇಲ್ಲೊಂದು ನಾಯಿ ಬಿಂದಾಸ್ ಆಗಿ ತನ್ನ ಹಿಂದೆ ಇಬ್ಬರನ್ನು ಕೂರಿಸಿಕೊಂಡು ಬೈಕ್ ಓಡಿಸಿದೆ.!

ಹೌದು. ಈ ಸುದ್ದಿ ಕೇಳಿ ಒಂದು ಕ್ಷಣಕ್ಕೆ ಆಶ್ಚರ್ಯವಾಗಿದ್ರೂ, ಆಗಿರುವುದು ನಿಜ. ಬ್ರೆಜಿಲ್ ನಗರದ ಬೀದಿಯಲ್ಲಿ ಬೈಕ್ ಓಡಿಸುವ ನಾಯಿಯೊಂದರ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ನಾಯಿ ಬೈಕ್ ನ  ಆಕ್ಸಿಲೇಟರ್ ಅನ್ನು ತನ್ನ ಎರಡು ಕೈ ಗಳಿಂದ ಹಿಡಿದು ತನ್ನ ಹಿಂದೆ ಇಬ್ಬರನ್ನೂ ಕೂರಿಸಿಕೊಂಡು ಹಾಯಾಗಿ ಬೈಕ್ ಓಡಿಸುವ ವೀಡಿಯೋ ಸಾಮಾಜಿಕ ಜಾಲತಾನ ಟ್ವಿಟರ್ ಸೇರಿದಂತೆ ಎಲ್ಲೆಡೆ ವೈರಲ್ ಆಗಿ ಹರಿದಾಡುತ್ತಿದೆ.

ಟ್ವಿಟರ್ ನಲ್ಲಿ ಜನ ಈ ವೀಡಿಯೋದ ಬಗ್ಗೆ ಹಲವು ಹಾಸ್ಯಾಸ್ಪದ ಆಯಾಮದಲ್ಲಿ ಚರ್ಚಿಸುತ್ತಿದ್ದು, ಕೆಲವರಂತೂ ನಾಯಿಗೂ ಹೆಲ್ಮೆಟ್ ಇರಬೇಕಿತ್ತು ಎಂದು ಬಣ್ಣಿಸಿದ್ದಾರೆ.