Bihar ಸೇತುವೆ ಕುಸಿತ: 14 ಎಂಜಿನಿಯರ್‌ಗಳ ಸಸ್ಪೆಂಡ್‌

ಪಟ್ನಾ: ಬಿಹಾರದಲ್ಲಿ ಸಾಲು ಸಾಲು ಸೇತುವೆಗಳು ಕುಸಿತ ಗೊಂಡ ಹಿನ್ನೆಲೆ ರಾಜ್ಯ ಸರಕಾರ‌ 14 ಎಂಜಿನಿಯರ್‌ಗಳನ್ನು ಅಮಾನತ್ತುಗೊಳಿಸಿದೆ. ಸೇತುವೆಗಳ ನಿರ್ವಹಣೆಯಲ್ಲಿ ಎಂಜಿನಿಯರ್‌ಗಳು ನಿರ್ಲಕ್ಷ್ಯ ವಹಿಸುರುವುದೇ ಸೇತುವೆಗಳ ಕುಸಿತಕ್ಕೆ ಪ್ರಮುಖ ಕಾರಣವಾಗಿದೆ. ಅಮಾನತು ಗೊಂಡವರಲ್ಲಿ 3 ಕಾರ್ಯನಿರ್ವಾಹಕ ಎಂಜಿನಿಯರ್‌ಗಳಿದ್ದಾರೆ ಎಂದು ಜಲ ಸಂಪನ್ಮೂಲ ಇಲಾಖೆಯ ಹೆಚ್ಚುವರಿ ಕಾರ್ಯದರ್ಶಿ ಚೈತನ್ಯ ಪ್ರಸಾದ್‌ ತಿಳಿಸಿದ್ದಾರೆ. ಕಳೆದ 17 ದಿನಗಳಲ್ಲಿ ಬಿಹಾರದ ಸಾರನ್‌, ಮಧುಬಾನಿ, ಸಿವಾನ್‌, ಪೂರ್ವ ಚಂಪಾರನ್‌, ಕಿಶನ್‌ಗಂಜ್‌, ಅರಾರಿಯಾ ಜಿಲ್ಲೆಗಳ 12 ಸೇತುವೆಗಳು ಕುಸಿತಗೊಂಡಿವೆ.