ಪ್ರಯಾಣ ನಿಷೇಧ ಆದೇಶಕ್ಕೆ ಬೈಡೆನ್‌ ಸಹಿ

ವಾಷಿಂಗ್ಟನ್‌: ಐರೋಪ್ಯ ಒಕ್ಕೂಟ, ಬ್ರೆಜಿಲ್‌, ದಕ್ಷಿಣ ಆಫ್ರಿಕಾದಿಂದ ಅಮೆರಿಕಕ್ಕೆ ಬರುವವರ ಮೇಲೆ ನಿಷೇಧ ಹೇರುವ ಆದೇಶಕ್ಕೆ ಅಧ್ಯಕ್ಷ ಜೋ ಬೈಡೆನ್‌ ಸಹಿ ಹಾಕಿದ್ದಾರೆ. ದಕ್ಷಿಣ ಆಫ್ರಿಕಾ ಮಾದರಿಯ ರೂಪಾಂತಾರದ ಕೋವಿಡ್ ವೈರಸ್‌ ಹಿನ್ನೆಲೆಯಲ್ಲಿ ನಿಷೇಧದ ಪಟ್ಟಿಗೆ ಆದೇಶವನ್ನೂ ಸೇರಿಸಲಾಗಿದೆ ಎಂದು ಶ್ವೇತಭವನದ ಮಾಧ್ಯಮ ಕಾರ್ಯದರ್ಶಿ ಜೆನ್‌ ಸಾಕಿ ಹೇಳಿದ್ದಾರೆ.

ಈ ಹಿಂದೆ ಶೆನೆಗೆನ್‌, ಯು.ಕೆ., ಐರ್ಲೆಂಡ್‌, ಬ್ರೆಜಿಲ್‌ ಮೇಲೆ ನಿಷೇಧ ಹೇರ ಲಾಗಿತ್ತು. ರೂಪಾಂತಾರ ಸೋಂಕಿನ ಪ್ರಕರಣಗಳು ವರದಿಯಾಗುತ್ತಿರುವ ಹಿನ್ನೆಲೆಯಲ್ಲಿ ಅಂತಾ ರಾಷ್ಟ್ರೀಯ ವಿಮಾನ ಯಾನ ಶುರು ಮಾಡಲು ಸೂಕ್ತವಾದ ಸಮಯವಲ್ಲವೆಂದು ಅಧ್ಯಕ್ಷರು ಅಭಿಪ್ರಾಯಪಟ್ಟಿದ್ದಾರೆ ಎಂದು ಸಾಕಿ ಹೇಳಿದ್ದಾರೆ.