ವಾಷಿಂಗ್ಟನ್ : ಅಮೆರಿಕ 1 ಶತಕೋಟಿ USD ಗಿಂತ ಹೆಚ್ಚಿನ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳ ಹೊಸ ಪ್ಯಾಕೇಜ್ ಅನ್ನು ಇಸ್ರೇಲ್‌ಗೆ ಕಳುಹಿಸುತ್ತಿದೆ ಎಂದು ಜೋ ಬಿಡೆನ್ ಆಡಳಿತವು ತಿಳಿಸಿದೆ ಎಂದು ಅಸೋಸಿಯೇಟೆಡ್ ಪ್ರೆಸ್ ವರದಿ ಮಾಡಿದೆ.
ಜನನಿಬಿಡ ದಕ್ಷಿಣ ಗಾಜಾ ನಗರವಾದ ರಫಾದಲ್ಲಿ ಇಸ್ರೇಲ್ ನಡೆಸುತ್ತಿರುವ ಆಕ್ರಮಣದಲ್ಲಿ ಬಾಂಬ್‌ಗಳನ್ನು ಬಳಸದಂತೆ ತಡೆಯಲು ಶಸ್ತ್ರಾಸ್ತ್ರಗಳನನ್ನು ಕಳುಹಿಸಲಾಗುತ್ತಿದೆ ಎಂದು ಆಡಳಿತ ದೃಢಪಡಿಸಿದೆ.
ಶ್ವೇತಭವನದ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಜೇಕ್ ಸುಲ್ಲಿವಾನ್ ಸುದ್ದಿಗಾರರೊಂದಿಗೆ ಮಾತನಾಡಿ, ಕಳೆದ ತಿಂಗಳು ಅಂಗೀಕರಿಸಿದ 26 ಶತಕೋಟಿ ಡಾಲರ್ ಪೂರಕ ಧನಸಹಾಯ ಮಸೂದೆಯಲ್ಲಿ ಒದಗಿಸಲಾದ ಮಿಲಿಟರಿ ಸಹಾಯವನ್ನು ಅಮೆರಿಕ ನೀಡುವುದನ್ನು ಮುಂದುವರಿಸುತ್ತದೆ, ಆದರೆ ಶ್ವೇತಭವನವು ಬಾಂಬ್‌ಗಳನ್ನು ನೀಡುವುದಿಲ್ಲ, ಏಕೆಂದರೆ “ಅವುಗಳನ್ನು ದಟ್ಟ ಜನನಿಬಿಡ ನಗರಗಳ ಮೇಲೆ ಬೀಳಿಸುವುದನ್ನು ನಾವು ಬಯಸುವುದಿಲ್ಲ ಎಂದು ಹೇಳಿದ್ದಾರೆ.
ಶ್ವೇತಭವನದ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಜೇಕ್ ಸುಲ್ಲಿವಾನ್ ಅವರು ಈ ವಾರಾಂತ್ಯದಲ್ಲಿ ಸೌದಿ ಅರೇಬಿಯಾ ಮತ್ತು ಇಸ್ರೇಲ್‌ಗೆ ಪ್ರಯಾಣಿಸಲು ಯೋಜಿಸಿದ್ದಾರೆ ಎಂದು ರಾಯಿಟರ್ಸ್ ಯುಎಸ್ ಅಧಿಕಾರಿಯನ್ನು ಉಲ್ಲೇಖಿಸಿ ವರದಿ ಮಾಡಿದೆ.
ಇಸ್ರೇಲಿ ಟ್ಯಾಂಕ್‌ಗಳು ಪೂರ್ವ ರಫಾಹ್‌ಗೆ ನುಗ್ಗಿ ಹೆಚ್ಚುವರಿ ನಾಗರಿಕರ ಸಾವಿನ ಆತಂಕವನ್ನು ಹುಟ್ಟುಹಾಕಿದ ವೇಳೆ ಅಮೆರಿಕವು ಇಸ್ರೇಲ್ ಅನ್ನು ರಾಫಾದಲ್ಲಿ ಪ್ರಮುಖ ಮಿಲಿಟರಿ ನೆಲದ ಆಕ್ರಮಣವನ್ನು ತಡೆಹಿಡಿಯಲು ಒತ್ತಾಯಿಸುತ್ತಿರುವಾಗಲೇ ಈ ಭೇಟಿ ನಡೆಯುತ್ತಿದೆ.
ಇಸ್ರೇಲಿ ಯುದ್ಧ ಟ್ಯಾಂಕ್‌ಗಳು ಮಂಗಳವಾರ ರಫಾಗೆ ನುಗ್ಗಿದ್ದು, ದಕ್ಷಿಣ ಗಜಾ ಗಡಿ ನಗರದ ಕೆಲವು ವಸತಿ ಪ್ರದೇಶಗಳನ್ನು ತಲುಪಿವೆ. ಒಂದು ಮಿಲಿಯನ್‌ಗಿಂತಲೂ ಹೆಚ್ಚು ಜನರು ಆಶ್ರಯ ಪಡೆದಿದ್ದಾರೆ.
