ಹರಿಯಾಣ ತಲುಪಿದ ಭಾರತ ಶಿಕ್ಷಣ ಯಾತ್ರೆ

ಬಂಟ್ವಾಳ: ಪೊಳಲಿ ಕ್ಷೇತ್ರದಿಂದ ಹೊರಟಿರುವ ಭಾರತ ಶಿಕ್ಷಣ ಯಾತ್ರೆಯು ಹರಿಯಾಣ ರಾಜ್ಯ ತಲುಪಿದೆ. ಅಲ್ಲಿನ ರೇವಾಡಿ ಜಿಲ್ಲೆಯ ಧಾರುಹೇಡಾದ ಟೌನ್‌ ಪಾರ್ಕ್‌ ಬಳಿಯ ಕೊಳೆಗೇರಿಗೆ ಸೋಮವಾರ ಸ್ಥಳೀಯ ಶಿಕ್ಷಣಾಭಿಮಾನಿಗಳೊಂದಿಗೆ ಭಾರತ ಶಿಕ್ಷಣ ರಥಯಾತ್ರೆಯ ತಂಡ ಭೇಟಿ ನೀಡಿತು. ಬಳಿಕ ತಂಡವು ಹರಿಯಾಣದ ಧಾರುಹೇಡದ ಸರಕಾರಿ ಬಾಲಕಿಯರ ಮಾಧ್ಯಮಿಕ ಶಾಲೆ, ರಾಜಕೀಯ ವರಿಷ್ಠ ಮಾಧ್ಯಮಿಕ ಶಾಲೆಗಳಿಗೆ ಭೇಟಿ ನೀಡಿ ಶಿಕ್ಷಣ ಯಾತ್ರೆಯ ಉದ್ದೇಶದ ಕುರಿತು ತಿಳಿಸಿತು.

ಈ ಸಂದರ್ಭ ಶಿಕ್ಷಣಾಭಿಮಾನಿಗಳಾದ ಅಶ್ವಿ‌ನ್‌ ಜೋಷಿ, ದಿನೇಶ್‌, ಶೇರ್‌ ಸಿಂಗ್‌, ಅಶೋಕ್‌ ಜೋಷಿ, ಸುರೇಶ್‌ ಶೇನಿ, ರಾಹುಲ್‌ ಜೋಷಿ, ಲಕ್ಷ್ಮಣ್‌ ಅಗರ್‌ವಾಲ್‌, ಶೀಶಾರಾಮ್‌ ಮೊದಲಾದವರು ಹಾಜರಿದ್ದರು. ಸ್ಥಳೀಯ ಮುಖಂಡರಾದ ಅಶೋಕ್‌ ಜೋಷಿ ಅವರು ಧ್ವಜಾರೋಹಣ ನೆರವೇರಿಸಿದರು.