Sandalwood: ಶಿವರಾಜ್‌ ಕುಮಾರ್ ‌ʼಭೈರತಿ ರಣಗಲ್‌ʼ ರಿಲೀಸ್‌ಗೆ ಡೇಟ್‌ ಫಿಕ್ಸ್

ಶಿವರಾಜ್‌ಕುಮಾರ್‌ (Shiva Rajkumar) ನಟನೆಯ “ಭೈರತಿ ರಣಗಲ್‌'(Bhairathi Ranagal)ಚಿತ್ರದ ಬಿಡುಗಡೆ ಯಾಕೋ ಮುಂದೆ ಹೋಗುತ್ತಲೇ ಇದೆ. ಆರಂಭದಲ್ಲಿ ಈ ಚಿತ್ರ ಆ.15ರಂದು ಬಿಡುಗಡೆ ಎಂದು ಘೋಷಿಸಿಕೊಂಡಿತ್ತು. ಆದರೆ ಕಾರಣಾಂತರಗಳಿಂದ ಬಿಡುಗಡೆಯಾಗದೇ ಇದ್ದಾಗ ಚಿತ್ರತಂಡ ಟೀಸರ್‌ ಬಿಟ್ಟು ಚಿತ್ರ ಸೆಪ್ಟೆಂಬರ್‌ನಲ್ಲಿ ಬಿಡುಗಡೆ ಎಂದಿತ್ತು.

ಅಭಿಮಾನಿಗಳು ಖುಷಿಯಾಗಿದ್ದರು. ಆದರೆ ಈಗ ಮತ್ತೆ ಚಿತ್ರದ ಬಿಡುಗಡೆ ಮುಂದಕ್ಕೆ ಹೋಗಿದೆ. ಈ ಬಾರಿ ನೇರವಾಗಿ ನವೆಂಬರ್‌ಗೆ ಹೋಗಿದೆ. ಚಿತ್ರ ನ.15ರಂದು ತೆರೆಕಾಣಲಿದೆ.

ಈ ಬಾರಿ ಮತ್ತೆ ಮುಂದಕ್ಕೆ ಹೋಗಲ್ಲ ಎಂಬ ವಿಶ್ವಾಸದ ಜೊತೆಗೆ ಸ್ಟಾರ್‌ ಸಿನಿಮಾವೊಂದು ಈ ತರಹದ ಪದೇ ಪದೇ ರಿಲೀಸ್‌ ಡೇಟ್‌ ಮುಂದಕ್ಕೆ ಹಾಕಬಾರದು ಎಂಬ ಆಶಯ ಕೂಡಾ ಅಭಿಮಾನಿಗಳದ್ದು.

ಇನ್ನು, ನರ್ತನ್‌ ನಿರ್ದೇಶನದ ಈ ಸಿನಿಮಾವನ್ನು ಶಿವರಾಜ್‌ ಕುಮಾರ್‌ ಅವರೇ ನಿರ್ಮಿಸುತ್ತಿ ದ್ದಾರೆ. ಇದು “ಮಫ್ತಿ’ ಸಿನಿಮಾ ಪ್ರೀಕ್ವೆಲ್‌ ಎನ್ನಲಾಗಿದ್ದು, ಟೀಸರ್‌ ಆ್ಯಕ್ಷನ್‌ನಿಂದ ಕೂಡಿದೆ.