ರೊನಾಲ್ಡೋ ದಾಖಲೆ ಮುರಿದ ಮೆಸ್ಸಿ : ಫೀಫಾ ವರ್ಷದ ಆಟಗಾರ ಪ್ರಶಸ್ತಿಗೆ ಭಾಜನ

ಇಟಲಿ: ಅರ್ಜೆಂಟಿನಾ ಫುಟ್ಬಾಲ್ ತಂಡದ ಸ್ಟಾರ್ ಆಟಗಾರ ಲಿಯೋನಲ್ ಮೆಸ್ಸಿ  ಸತತ ಆರನೇ ಬಾರಿಗೆ ಫೀಫಾ ವರ್ಷದ ಆಟಗಾರ ಪ್ರಶಸ್ತಿಗೆ ಭಾಜನರಾಗಿ ಐದು ಬಾರಿ ವಿಜೇತ ಕ್ರಿಸ್ಚಿಯಾನೋ ರೊನಾಲ್ಡೋ ಅವರ ದಾಖಲೆಯನ್ನು ಹಿಂದಿಕ್ಕಿದ್ದಾರೆ.

58 ಪಂದ್ಯಗಳಲ್ಲಿ 54  ಗೋಲುಗಳನ್ನು ಬಾರಿಸುವ ಮೂಲಕ ಸ್ಪ್ಯಾನಿಶ್  ಲಾ ಲೀಗಾ ಟೈಟಲ್ ಜೊತೆಗೆ ಯುರೋಪಿಯನ್ ಗೋಲ್ಡನ್ ಬೂಟ್  ಪ್ರಶಸ್ತಿಯನ್ನು ಪಡೆದಿದ್ದರು. 2015 ರಲ್ಲಿ ಕೊನೆಯ ಬಾರಿಗೆ ವರ್ಷದ ಆಟಗಾರ ಪ್ರಶಸ್ತಿಗೆ ಪಾತ್ರರಾಗಿದ್ದರು.

ಆದರೇ ರಾಷ್ಟ್ರೀಯ ತಂಡದಲ್ಲಿ ನಿರೀಕ್ಷಿತ ಪ್ರದರ್ಶನ ನೀಡಿರಲಿಲ್ಲ, ಕೂಪ ಅಮೇರಿಕಾ ಸೆಮಿಪೈನಲ್ ನಲ್ಲಿ ಬ್ರೆಜಿಲ್ ವಿರುದ್ಧ ಸೋಲನ್ನಪ್ಪಿದ್ದರು. ಯುರೋಪಿಯನ್ ಅತ್ತುತ್ತಮ ಆಟಗಾರ ಪ್ರಶಸ್ತಿಗೆ ಭಾಜನಾರಾಗಿದ್ದ ವರ್ಜಿಲ್ ವಾನ್ ಅವರನ್ನು ಹಿಂದಿಕ್ಕಿರುವುದು ಆಶ್ಚರ್ಯಕರವಾಗಿದೆ. ಈ ವರ್ಷ ಫಾರ್ಮ್ ಗೆ ಮರಳಿ ಉತ್ತಮ ಪ್ರದರ್ಶನ ನೀಡಿರುವುದು ಈ ದಾಖಲೆ ಗಳಿಸಲು ಪ್ರಮುಖ ಕಾರಣವಾಗಿದೆ.