ಧರ್ಮಸ್ಥಳ ಮ್ಯೂಸಿಯಂಗೆ 1972 ಮೊಡೆಲ್ ನ ಬೆಂಝ್ 2-80S ಕಾರು ನೀಡಿದ ಮಹೇಶ್ವರಾನಂದ ಶ್ರೀ

ಧರ್ಮಸ್ಥಳ: ಆಸ್ಟ್ರೀಯ ದೇಶದ ಮಾಧವಾನಂದಾಶ್ರಮದ  ಶ್ರೀ ಮಹಾಮಂಡಲೇಶ್ವರ ಪರಮಹಂಸ ಮಹೇಶ್ವರಾನಂದ ಸ್ವಾಮಿ ಇವರು ಧರ್ಮಸ್ಥಳದ ಅಪರೂಪದ ಕಾರ್ ಮ್ಯೂಸಿಯಂ ಗೆ 1972 ಮೊಡೆಲ್‌ ನ ಬೆಂಝ್ 2-80S ಕಾರನ್ನು ಕೊಡುಗೆಯಾಗಿ ನೀಡಿದರು.

ರವಿವಾರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಅವರಿಗೆ ಸ್ವಾಮೀಜಿ ಕೀಲಿ ಕೈ ನೀಡಿ ಹಸ್ತಾಂತರಿಸಿದರು.

ಹೆಗ್ಗಡೆ ಅವರು ಕಾರಿನ ವಿಶೇಷತೆ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿ ದೇವಸ್ಥಾನ ಹೊರಾಂಗಣದಲ್ಲಿ ಸ್ವಾಮೀಜಿ ಜತೆ ಸ್ವತಃ ತಾವೇ ಚಾಲನೆ ಮಾಡಿದರು.

ಮೂಲತಃ ರಾಜಸ್ಥಾನದವರಾದ ಸ್ವಾಮೀಜಿ ಸದ್ಯ ಆಸ್ಟ್ರೀಯದಲ್ಲಿ ಆಶ್ರಮ ಮಾಡಿಕೊಂಡು ಧರ್ಮಪ್ರಚಾರದಲ್ಲಿ ನಿರತರಾಗಿದ್ದಾರೆ.

ಆಸ್ಟ್ರೀಯದ ಚಾನ್ಸಿಲರ್ ಅವರಿಂದ ಸ್ವಾಮೀಜಿ ಅವರು ಖರೀದಿಸಿದ ಕಾರನ್ನು ಧರ್ಮಸ್ಥಳಕ್ಕೆ ರವಿವಾರ ಕೊಡುಗೆಯಾಗಿ  ನೀಡಿದರು.