Advertisement
ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಮಾರ್ಗದ ಕೆ.ಆರ್‌. ಪುರ- ಹೆಬ್ಟಾಳ ನಡುವೆ ನಿರ್ಮಾಣಗೊಳ್ಳುತ್ತಿರುವ ಮೆಟ್ರೋ ಮಾರ್ಗದ ಕಾಂಕ್ರೀಟ್‌ ಪೂರ್ವದ ಕಂಬಕ್ಕೆ ಸಮರ್ಪಕ ಆಸರೆ ಇಲ್ಲದ್ದರಿಂದ ರಸ್ತೆಗೆ ವಾಲಿದೆ. ಅದೇ ಮಾರ್ಗದಲ್ಲಿ ತಮ್ಮ ಇಬ್ಬರು ಅವಳಿ ಮಕ್ಕಳೊಂದಿಗೆ ದ್ವಿಚಕ್ರ ವಾಹನದಲ್ಲಿ ಹೊರಟಿದ್ದ ಗದಗ ಮೂಲದ ಲೋಹಿತ್‌ ಮತ್ತು ತೇಜಸ್ವಿನಿ ದಂಪತಿಯ ಮೇಲೆ ಆ ಕಂಬ ಬಿದ್ದಿದೆ.
Related Articles
Advertisement
ಸನ್ನೇ ಮಾಡಿದರೂ ಗೊತ್ತಾಗಲಿಲ್ಲ!ಲೋಹಿತ್‌ ಅವರ ಮುಂದೆಯೇ ಅನತಿ ದೂರದಲ್ಲಿ ಸಾಗುತ್ತಿದ್ದ ಬೈಕ್‌ ಸವಾರರೊಬ್ಬರಿಗೆ ಕಬ್ಬಿಣದ ಸರಳುಗಳಿಂದ ಕೂಡಿದ ಕಂಬ ವಾಲುವುದು ಕಣ್ಣಿಗೆ ಬಿದ್ದಿತ್ತು. ಕೂಡಲೇ ಅವರು ಹಿಂದಿದ್ದ ಲೋಹಿತ್‌ ಅವರಿಗೆ ಸನ್ನೆ ಮಾಡಿದ್ದರು. ಆದರೆ ಅದು ಏನು ಎಂಬುದು ಅರ್ಥವಾಗುವಷ್ಟರಲ್ಲಿ ಕಂಬ ವಾಲುವ ಜಾಗಕ್ಕೆ ಲೋಹಿತ್‌ ತಲುಪಿದ್ದರು. ಅದು ನೇರವಾಗಿ ವಾಹನದಲ್ಲಿ ಕುಳಿತಿದ್ದ ಪತ್ನಿ ತೇಜಸ್ವಿನಿ ಮತ್ತು ಮಗುವಿನ ಮೇಲೆ ಬಿತ್ತು ಎಂದು ಅಲ್ಲಿ ಹಾಜರಿದ್ದ ಬಿಎಂಆರ್‌ಸಿಎಲ್‌ ಅಧಿಕಾರಿಯೊಬ್ಬರು ತಿಳಿಸಿದರು. 30 ಲಕ್ಷ ರೂ. ಪರಿಹಾರ ಘೋಷಣೆ
ಮೆಟ್ರೋ ಪಿಲ್ಲರ್‌ ಕುಸಿತದಿಂದ ಮೃತಪಟ್ಟವರ ಕುಟುಂಬಕ್ಕೆ ತಲಾ 10 ಲಕ್ಷ ರೂ. ಪರಿಹಾರ ನೀಡುವುದಾಗಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಘೋಷಣೆ ಮಾಡಿದರು. ಘಟನೆಯ ಬೆನ್ನಲ್ಲೇ ಸ್ಥಳಕ್ಕೆ ಭೇಟಿ ನೀಡಿದ ಬಿಎಂಆರ್‌ಸಿಎಲ್‌ ವ್ಯವಸ್ಥಾಪಕ ನಿರ್ದೇಶಕ ಅಂಜುಂ ಪರ್ವೇಜ್‌, ಗಾಯಾಳುಗಳ ಚಿಕಿತ್ಸಾ ವೆಚ್ಚ ಭರಿಸುವುದರ ಜತೆಗೆ ಮೃತರ ಕುಟುಂಬಕ್ಕೆ 20 ಲಕ್ಷ ರೂ. ಪರಿಹಾರ ಘೋಷಿಸಿದರು.