Bengaluru; ಒಂದೇ ದಿನ ಚಿನ್ನದ ಬೆಲೆ 10 ಗ್ರಾಂಗೆ 1,790 ರೂ. ಇಳಿಕೆ

ಹೊಸದಿಲ್ಲಿ: ಬೆಂಗಳೂರಿನಲ್ಲಿ ಒಂದೇ ದಿನ ಚಿನ್ನದ ಬೆಲೆಯಲ್ಲಿ ಗಣನೀಯ ಇಳಿಕೆ ಕಂಡುಬಂದಿದೆ. 20 ದಿನಗಳ ಬಳಿಕ 10 ಗ್ರಾಂ ಚಿನ್ನದ ಬೆಲೆ 80 ಸಾವಿರದ ಗಡಿಯಿಂದ ಕೆಳಗಿಳಿದಿದೆ.

ಗುರುವಾರ 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 1790 ರೂ. ಇಳಿಕೆಯಾಗಿ,  78560ರೂ.ಗಳಿಗೆ ತಲುಪಿದೆ. ಬುಧವಾರ 10 ಗ್ರಾಂ ಚಿನ್ನದ ಬೆಲೆ 80350 ರೂ.ಗಳಾಗಿತ್ತು.

ದಿಲ್ಲಿಯಲ್ಲೂ 10 ಗ್ರಾಂ ಚಿನ್ನಕ್ಕೆ 1650 ರೂ.ಇಳಿಕೆಯಾಗಿ 79,500ರೂ.ಗೆ ತಲುಪಿದೆ. ಬೆಳ್ಳಿ ಬೆಲೆಯಲ್ಲೂ ಪ್ರತೀ ಕೆ.ಜಿ.ಗೆ 900 ರೂ.ಕಡಿಮೆಯಾಗಿ ಬೆಲೆ 93,800 ರೂ.ಗೆ ತಲುಪಿದೆ.  ಬೆಂಗಳೂರಲ್ಲಿ  ಪ್ರತೀ ಕೆ.ಜಿ. ಬೆಳ್ಳಿ 3,000 ರೂ. ಕಡಿತವಾಗಿ 93,000 ರೂ.ಗೆ ತಲುಪಿದೆ.