ಪಶ್ಚಿಮ ಬಂಗಾಲ ಬಿಜೆಪಿ ನಾಯಕರಿಗೆ ಸಿಐಡಿ ಸಮನ್ಸ್‌

ಕೋಲ್ಕತಾ: ಬಿಜೆಪಿ ರಾಜ್ಯಸಭೆ ಸದಸ್ಯೆ ರೂಪಾ ಗಂಗೂಲಿ, ಪಕ್ಷದ ಮುಖ್ಯ ಕಾರ್ಯದರ್ಶಿ ಕೈಲಾಶ್‌ ವಿಜಯ್‌ವರ್ಗೀಯ ಹಾಗೂ ಇತರ ಇಬ್ಬರು ಮುಖಂಡರಿಗೆ ಸಿಐಡಿ ಸಮನ್ಸ್‌ ಜಾರಿ ಮಾಡಿದೆ. 

ಜಲ್‌ಪೈಗುರಿ ಮಕ್ಕಳ ಕಳ್ಳಸಾಗಣೆ ಪ್ರಕರಣದಲ್ಲಿ ಭಾಗಿಯಾಗಿರುವ ಕುರಿತು ಪ್ರಶ್ನಿಸುವ ಸಂಬಂಧ ಸಮನ್ಸ್‌ ನೀಡಲಾಗಿದೆ. ಮಕ್ಕಳ ಕಳ್ಳಸಾಗಣೆ ಪ್ರಕರಣದ ಪ್ರಮುಖ ಆರೋಪಿ ವಿಚಾರಣೆ ವೇಳೆ ರೂಪಾ ಹಾಗೂ ವಿಜಯ್‌ವರ್ಗೀಯ ಭಾಗಿಯಾಗಿರುವುದಾಗಿ ಹೇಳಿದ್ದರು. ಈ ಕುರಿತು ಪ್ರತಿಕ್ರಿಯಿಸಿರುವ ಪಶ್ಚಿಮ ಬಂಗಾಳ ಬಿಜೆಪಿ ಮುಖಂಡರು, “ಬಿಜೆಪಿಯ ವರ್ಚಸ್ಸಿಗೆ ಮಸಿ ಬಳಿಯುವ ಉದ್ದೇಶದಿಂದ ಆಡಳಿತಾರೂಢ ತೃಣಮೂಲ ಕಾಂಗ್ರೆಸ್‌ ನಡೆಸಿರುವ ಕುತಂತ್ರ ಇದಾಗಿದೆ,’ ಎಂದಿದ್ದಾರೆ.