Advertisement
ಈ ಸ್ಥಳದ ಪಕ್ಕದಲ್ಲಿ ಶೌಚಾಲಯವಿದೆ ಎಂದು ಸಾರ್ವಜನಿಕರು ಆಕ್ಷೇಪವೆತ್ತಿದ್ದು, ಆದರೆ ನಗರದಲ್ಲಿ ಬೇರೆ ಸ್ಥಳ ಲಭ್ಯವಾಗದೇ ಇರುವ ಹಿನ್ನೆಲೆಯಲ್ಲಿ ದ.ಕ. ಜಿಲ್ಲಾಧಿಕಾರಿಯವರು ಅದೇ ಸ್ಥಳವನ್ನು ನಿಗದಿಪಡಿಸಿದ್ದಾರೆ. ಮುಂದೆ ನಿಗದಿಯಂತೆ ಕ್ಯಾಂಟೀನ್‌ ಕಾಮಗಾರಿ ನಡೆದರೆ ಶೀಘ್ರದಲ್ಲಿ ಬೆಳ್ತಂಗಡಿಯ ಜನತೆಯೂ ಇಂದಿರಾ ಕ್ಯಾಂಟೀನ್‌ ಆಹಾರದ ರುಚಿಯನ್ನು ಸವಿಯಬಹುದಾಗಿದೆ.
ಶೌಚಾಲಯದ ಪಕ್ಕದಲ್ಲೇ ಕ್ಯಾಂಟೀನ್‌ ನಿರ್ಮಾಣಕ್ಕೆ ಸಾರ್ವಜನಿಕರು ಆಕ್ಷೇಪ ವ್ಯಕ್ತಪಡಿಸಿದ ಹಿನ್ನೆಲೆಯಲ್ಲಿ ಕ್ಯಾಂಟೀನ್‌, ಶೌಚಾಲಯ ಕಾಣದಂತೆ ಗೋಡೆ ನಿರ್ಮಾಣಕ್ಕೆ ಸಂಬಂಧಪಟ್ಟ ಅಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಸೂಚನೆ ನೀಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಮಧ್ಯೆ ಜಿಎ ಶೀಟ್‌ ಮೂಲಕ ಅಡ್ಡ ಗೋಡೆ ನಿರ್ಮಾಣವಾಗಲಿದೆ. ಅದಕ್ಕಾಗಿ ಈಗಾಗಲೇ ಬೆಳ್ತಂಗಡಿ ಪಟ್ಟಣ ಪಂಚಾಯತ್‌ ಅಧಿಕಾರಿಗಳು ಯೋಜನೆ ಹಾಕಿಕೊಂಡಿದ್ದಾರೆ. ಸುಮಾರು 15 ಮೀಟರ್‌ ಉದ್ದ ಹಾಗೂ 5 ಮೀಟರ್‌ ಎತ್ತರಕ್ಕೆ ಶೀಟ್‌ ಮೂಲಕ ಒಂದಕ್ಕೊಂದು ಕಾಣದಂತೆ ಶೀಟ್‌ ಅಡ್ಡವಾಗಲಿದೆ.
Related Articles
ಕ್ಯಾಂಟೀನ್‌ ನಿರ್ಮಾಣಕ್ಕೆ ಗುರುತಿಸಲಾದ ಆರಂಭದ ಸ್ಥಳಕ್ಕೆ ಆಕ್ಷೇಪ ಕೇಳಿ ಬಂದ ಹಿನ್ನೆಲೆಯಲ್ಲಿ ವಿ.ಪ. ಸದಸ್ಯ ಹರೀಶ್‌ಕುಮಾರ್‌, ಹಿಂದಿನ ತಹಶೀಲ್ದಾರ್‌ ಮದನ್‌ಮೋಹನ್‌ ಸಿ. ನೇತೃತ್ವದಲ್ಲಿ ಬೇರೆ ಸ್ಥಳ ಪರಿಶೀಲನೆಯಾಗಿತ್ತು. ಆದರೆ ಅಂದು ಯಾವುದೇ ಸ್ಥಳ ನಿಗದಿಯಾಗಿರಲಿಲ್ಲ.
Advertisement
ಮಾರ್ಕಿಂಗ್‌ ಪೂರ್ಣಇಂದಿರಾ ಕ್ಯಾಂಟೀನ್‌ ನಿರ್ಮಾಣಕ್ಕೆ ರಾಜ್ಯವ್ಯಾಪಿ ಒಂದೇ ಖಾಸಗಿ ಸಂಸ್ಥೆಗೆ ಟೆಂಡರ್‌ ಆಗಿರುವುದರಿಂದ ನಿಗದಿಪಡಿಸಿದ 60×60 ಅಡಿ ನಿವೇಶನದಲ್ಲೇ ಕ್ಯಾಂಟೀನ್‌ ನಿರ್ಮಾಣವಾಗಲಿದೆ. ಅದಕ್ಕಿಂತ ಕಡಿಮೆ ಸ್ಥಳದಲ್ಲಿ ಕ್ಯಾಂಟೀನ್‌ ನಿರ್ಮಾಣಕ್ಕೆ ಸಂಸ್ಥೆಯ ಅಧಿಕಾರಿಗಳು ಒಪ್ಪಿಗೆ ನೀಡುತ್ತಿಲ್ಲ. ಹೀಗಾಗಿ ಬೆಳ್ತಂಗಡಿ ನಗರದಲ್ಲಿ ಅಷ್ಟು ವಿಸ್ತೀರ್ಣವಾದ ಬೇರೆ ಸ್ಥಳ ಲಭ್ಯವಾಗದೇ ಇರುವುದರಿಂದ ಆರಂಭದಲ್ಲಿ ಗುರುತಿಸಲಾದ ಸ್ಥಳವನ್ನೇ ದ.ಕ. ಜಿಲ್ಲಾಧಿಕಾರಿ ಅಂತಿಮಗೊಳಿಸಿದ್ದಾರೆ. ಈಗಾಗಲೇ ನಿರ್ಮಾಣ ಸಂಸ್ಥೆಯವರು ಕಾಮಗಾರಿ ಆರಂಭಕ್ಕೆ ಮಾರ್ಕಿಂಗ್‌ ಕಾರ್ಯವನ್ನು ಪೂರ್ತಿಗೊಳಿಸಿದ್ದಾರೆ. ಆರಂಭದ ಸ್ಥಳ ಅಂತಿಮ
ಆರಂಭದಲ್ಲಿ ಗುರುತಿಸಿದ್ದ ಬಸ್‌ನಿಲ್ದಾಣದ ಬಳಿ ಸ್ಥಳವನ್ನೇ ಅಂತಿಮಗೊಳಿಸಲಾಗಿದೆ. ಬೇರೆ ಯಾವುದೇ ಖಾಲಿ ಸ್ಥಳ ನಗರದಲ್ಲಿ ಲಭ್ಯವಿಲ್ಲ. ಇಲ್ಲದೇ ಇದ್ದಲ್ಲಿ ಕ್ಯಾಂಟೀನನ್ನೇ ರದ್ದುಗೊಳಿಸಬೇಕಾಗುತ್ತದೆ. ಮಾರ್ಕಿಂಗ್‌ ನಡೆಸಲಾಗಿದ್ದು, ಶೀಘ್ರದಲ್ಲಿ ಕಾಮಗಾರಿ ಆರಂಭಿಸಿ ಪೂರ್ತಿಗೊಳಿಸಲಾಗುವುದು.
ಪ್ರಸನ್ನ ವಿ.,
ಯೋಜನ ನಿರ್ದೇಶಕರು, ದ.ಕ. ಜಿಲ್ಲೆ ಕಿರಣ್‌ ಸರಪಾಡಿ