Bellary: ತುಕಾರಾಂ ಆಡಳಿತದಲ್ಲಿ ಸಂಡೂರು ಅಭಿವೃದ್ಧಿಯಾಗಿದೆ: ಡಿಕೆ ಶಿವಕುಮಾರ್

ಬಳ್ಳಾರಿ: ಸಂಸದ ತುಕಾರಾಂ ಬಂದ ಮೇಲೆ ಸಂಡೂರು ಅಭಿವೃದ್ಧಿಯಾಗಿದೆ. ಗ್ಯಾರಂಟಿ ಯೋಜನೆಗಳು ಜನರಿಗೆ ತಲುಪಿವೆ. ಇದು ಚುನಾವಣೆಯಲ್ಲಿ ಕಾಂಗ್ರೆಸ್‌ಗೆ ಸಾಕಷ್ಟು ಪೂರಕವಾಗಲಿದೆ. ಬಿಜೆಪಿ ಬಗ್ಗೆ ಸಂಡೂರು ಜನ ಯಾಮಾರಬಾರದು ಎಂದು ಪ್ರಚಾರ ಬಳಿಕ ಡಿಸಿಎಂ ಡಿ.ಕೆ.ಶಿವಕುಮಾರ್ ಹೇಳಿದರು.

ಮಂಗಳವಾರ (ಅ.05) ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ನಾವು ಸಂಡೂರನ್ನು ಬೀಜಿಂಗ್ ಮಾಡಲ್ಲ ಸಂಡೂರು ಅಭಿವೃದ್ದಿ ಮಾತ್ರ ಮಾಡುತ್ತೆವೆ. ಮೊನ್ನೆ ಸಂಡೂರಿನ ಬರುವ ಆದಾಯದಿಂದ ಸಂಡೂರನ್ನು ಬೀಜಿಂಗ್ ಮಾಡಬಹುದು ಎಂದಿದ್ದರು. ಅಧಿಕಾರ ಇದ್ದಾಗ ಜನಾರ್ದನ ರೆಡ್ಡಿ ಅಭಿವೃದ್ಧಿ ಯಾಕೆ ಮಾಡಿಲ್ಲ ಎಂದು ಜನಾರ್ದನ ರೆಡ್ಡಿ ಗೆ ಟಾಂಗ್ ನೀಡಿದರು.

ವಕ್ಫ್ ವಿಚಾರದಲ್ಲಿ ಬಿಜೆಪಿ ರಾಜಕೀಯ ಮಾಡುತ್ತಿದೆ. ಈಗಾಗಲೇ ಸಿಎಂ ಹೇಳಿದ್ದಾರೆ. ಯಾವ ರೈತರ ಭೂಮಿ ಕಸಿದುಕೊಳ್ಳಲ್ಲ ಎಂದರು.

ಬೆಳಗಾವಿಯಲ್ಲಿ ಎಫ್‌ಡಿಸಿ ಅಧಿಕಾರಿ ಆತ್ಮಹತ್ಯೆ ವಿಚಾರಕ್ಕೆ ಪ್ರತಿಕ್ರಿಯೆ ನೀಡಿ, ಇದರ ಮಾಹಿತಿ ಇಲ್ಲ ಎಂದರು. ಅಬಕಾರಿ ಇಲಾಖೆಯ ವರ್ಗಾವಣೆ ದಂಧೆ ವಿಚಾರ ಗೊತ್ತಿಲ್ಲ ತಿಳಿದುಕೊಂಡು ಮಾತನಾಡುವೆ ಎಂದರು.