ಬಳ್ಳಾರಿಯಲ್ಲಿ ಕಾರು-ಬಸ್ಸು ಢಿಕ್ಕಿ: ಐವರ ದಾರುಣ ಸಾವು

ಬಳ್ಳಾರಿ : ಬಳ್ಳಾರಿ ಜಿಲ್ಲೆಯ ಕೋಳೂರು ಕ್ರಾಸ್‌ ಬಳಿ ಇಂದು ಕಾರು ಮತ್ತು ಬಸ್ಸು ನಡುವೆ ನೇರ ಢಿಕ್ಕಿ ಸಂಭವಿಸಿ ಐವರು ದಾರುಣವಾಗಿ ಮೃತಪಟ್ಟ ಘಟನೆ ನಡೆದಿದೆ. 

ಸಂಜೆ 4.35ರ ಹೊತ್ತಿಗೆ ಸಿರಗುಪ್ಪ ಕಡೆಗೆ ಹೋಗುತ್ತಿದ್ದ ಬಸ್ಸು ಬಳ್ಳಾರಿ ಕಡೆಗೆ ಬರುತ್ತಿದ್ದ ಕಾರಿಗೆ ಢಿಕ್ಕಿಯಾಗಿದ್ದು  ಮೃತಪಟ್ಟ ಎಲ್ಲ ಐವರು ದಾವಣಗೆರೆ ಜಿಲ್ಲೆಯವರೆಂದು ತಿಳಿದು ಬಂದಿದೆ. 

ಘಟನೆ ಸಂಬಂಧ ಕುರುಗೋಡು ಪೊಲೀಸ್‌ ಠಾಣೆಯಲ್ಲಿ ಕೇಸು ದಾಖಲಾಗಿದ್ದು ತನಿಖೆ ನಡೆಯುತ್ತಿದೆ. ಕಾರಿನಡಿ ಸಿಲುಕಿದ್ದ ಮೃತ ದೇಹಗಳನ್ನು ಬಹಳ ಪ್ರಯಾಸದಿಂದ ಹೊರತೆಗೆಯಲಾಯಿತು.