Advertisement
ಮುಂಬೈ, ದೆಹಲಿ ಮೊದಲಾದ ಮಹಾನಗರಗಳಲ್ಲಿ ಪೈಪ್‌ಗಳ ಮೂಲಕ ಅಡುಗೆ ಅನಿಲ ಪೂರೈಕೆಯಾಗುತ್ತಿರುವುದನ್ನು ಕಂಡಿದ್ದ ಬೆಳಗಾವಿ ಜನರು ಅದೇ ರೀತಿ ತಮ್ಮ ನಗರದಲ್ಲೂ ಆಗಬೇಕು ಎಂಬ ಕನಸು ಕಂಡಿದ್ದರು. ಈಗ ಅದು ಸ್ಮಾರ್ಟ್‌ಸಿಟಿ ಮೂಲಕ ನನಸಾಗುತ್ತಿದೆ.
Related Articles
Advertisement
ಎಲ್‌ಪಿಜಿಗಿಂತ ಇದು ಹೆಚ್ಚು ಸುರಕ್ಷಿತ ಹಾಗೂ ಹೆಚ್ಚು ಉಳಿತಾಯ ನೀಡಲಿದೆ. ಕೇಂದ್ರ ಸರ್ಕಾರದ ಈ ಯೋಜನೆಯನ್ನು ಬೆಳಗಾವಿ ಜಿಲ್ಲೆಯಲ್ಲಿ ಅಳವಡಿಸಲು ಮೇಘಾ ಇಂಜನಿಯರಿಂಗ್‌ ಹಾಗೂ ಇನ್‌ಫ್ರಾಸ್ಟ್ರಕ್ಚರ್‌ ಕಂಪನಿ ವಹಿಸಿಕೊಂಡಿದ್ದು ಮುಂದಿನ ಮೂರು ವರ್ಷಗಳಲ್ಲಿ ಜಿಲ್ಲೆಯಲ್ಲಿ ಇದನ್ನು ಸಂಪೂರ್ಣ ಅಳವಡಿಸುವ ಗುರಿ ಹಾಕಿಕೊಳ್ಳಲಾಗಿದೆ. ಬೆಳಗಾವಿ ನಗರದಲ್ಲಿ 50 ಸಾವಿರ ಮನೆಗಳಿಗೆ ಈ ಪಿಎನ್‌ಐ ಸಂಪರ್ಕ ಕಲ್ಪಿಸುವ ಗುರಿ ಇದ್ದು, ಈಗಾಗಲೇ ಆರು ಸಾವಿರ ಮನೆಗಳ ನೋಂದಣಿಯಾಗಿದೆ. ಇದೇ ರೀತಿ ಕರ್ನಾಟಕದ ಎಲ್ಲ ಜಿಲ್ಲೆಗಳು ಆದಷ್ಟು ತ್ವರಿತ ಗತಿಯಲ್ಲಿ ಪಿಎನ್‌ಐ ಸಂಪರ್ಕ ಜಾಲ ಹೊಂದಲಿವೆ ಎಂದು ಮೇಘಾ ಇಂಜಿನಿಯರಿಂಗ್‌ ಕಂಪನಿ ಮಾರ್ಕೇಟಿಂಗ್‌ ಮ್ಯಾನೇಜರ್‌ ಕಾಮಿಲ್‌ ಪಾಷಾ ಹೇಳಿದರು.
ಈಗ ಪೂರೈಕೆಯಾಗುತ್ತಿರುವ ಎಲ್‌ಪಿಜಿ ಸಿಲಿಂಡರ್‌ಗಿಂತ ಪೈಪ್‌ಲೈನ್‌ದಿಂದ ಪೂರೈಕೆಯಾಗುವ ಅಡುಗೆ ಅನಿಲದ ದರ ಕಡಿಮೆ ಇರುತ್ತದೆ. ಎಲ್‌ಪಿಜಿ ಸಿಲಿಂಡರ್‌ ಬೆಲೆ ಪ್ರತಿ ಕೆಜಿಗೆ 55 ರೂ. ಇದ್ದರೆ ಪೈಪ್‌ಲೈನ್‌ ಮೂಲಕ ಸರಬರಾಜು ಆಗುವ ಅನಿಲದ ದರ ಪ್ರತಿ ಕೆಜಿಗೆ 25 ರೂ. ಇದೆ. ನೋಂದಣಿ ಮಾಡಿಸಿಕೊಂಡ ಮನೆಗಳಿಗೆ ಮಾತ್ರ ಸಂಪರ್ಕ ನೀಡಲಾಗುತ್ತದೆ. ಇದಕ್ಕೆ 500 ರೂ. ನೋಂದಣಿಗೆ ಹಾಗೂ 4500 ರೂ. ಠೇವಣಿ ರೂಪದಲ್ಲಿ ನೀಡಬೇಕು ಎಂಬುದು ಮೇಘಾ ಕಂಪನಿಯ ಪ್ರತಿನಿಧಿ ಅಮಿತ್‌ ಹೇಳಿದರು.
ಇದು ಕೇಂದ್ರ ಸರ್ಕಾರದ ಯೋಜನೆ. ರಾಜ್ಯ ಸರ್ಕಾರ ಹಾಗೂ ಸ್ಥಳೀಯ ಸಂಸ್ಥೆ ಇದರಲ್ಲಿ ಹಣ ತೊಡಗಿಸಿಲ್ಲ. ಖಾಸಗಿ ಕಂಪನಿಯೇ ಹಣ ಹೂಡಿಕೆ ಮಾಡಿ ಪೈಪ್‌ಲೈನ್‌ ಹಾಕುತ್ತದೆ. ಇದಕ್ಕೆ ಬಳಕೆದಾರರಿಂದ ಹಣ ಪಡೆಯುತ್ತದೆ. ಮಹಾನಗರ ಪಾಲಿಕೆ ವತಿಯಿಂದ ಪೈಪ್‌ಲೈನ್‌ ಅಳವಡಿಕೆಗೆ ಅನುಮತಿ ನೀಡಲಾಗಿದೆ.•ಶಶಿಧರ ಕುರೇರ,
ಮಹಾನಗರ ಪಾಲಿಕೆ ಆಯುಕ್ತ ಕೇಶವ ಆದಿ