ಬೈಲಹೊಂಗಲ –ದನದ ಕೊಟ್ಟಿಗೆಗೆ ಬೆಂಕಿ: ದನಕರುಗಳು ಸಾವು

ಬೈಲಹೊಂಗಲ: ರೈತನ ಜಮೀನಿನಲ್ಲಿ ಹಾಕಲಾದ ದನದ ಕೊಟ್ಟಿಗೆಗೆ ವಿದ್ಯುತ್ ತಗುಲಿ ಕೊಟ್ಟಿಗೆ ಸಮೇತ ಲಕ್ಷಾಂತರ ರೂ.ಮೌಲ್ಯದ ದನ ಕರು ಸುಟ್ಟು ಕರಕಲಾದ ಘಟನೆ ಬೈಲಹೊಂಗಲ ತಾಲ್ಲೂಕಿನ ಆನಿಗೋಳ ಗ್ರಾಮದಲ್ಲಿ ಸೋಮವಾರ ಬೆಳಗಿನ ಜಾವ ನಡೆದಿದೆ.

ಗ್ರಾಮದ ಸೋಮಲಿಂಗಪ್ಪ ಹರಕುಣಿ ನಷ್ಟ ಅನುಭವಿಸಿದ ರೈತ.  ಘಟನೆಯಲ್ಲಿ 1 ಲಕ್ಷ 30 ಸಾವಿರ ಮೌಲ್ಯದ ಜೋಡೆತ್ತು, 1ಲಕ್ಷ 60 ಸಾವಿರ ಮೊತ್ತದ ಎರಡು ಎಮ್ಮೆಗಳು, ಒಂದು ಕರು ಸುಟ್ಟು ಕರಕಲಾಗಿವೆ.

ಸುತ್ತುಮುತ್ತಲಿನ ಗ್ರಾಮಸ್ಥರು ಸುಟ್ಟ ಎತ್ತುಗಳು, ಎಮ್ಮೆಗಳನ್ನು ನೋಡಿ ಮಮ್ಮುಲ ಮರುಗಿದರು. ಮೂಖ ಪ್ರಾಣಿಗಳು ಸುಟ್ಟು ಕರಕಲಾದ ದೃಶ್ಯ ಕಂಡು ಕಣ್ಣೀರಾದರು.‌ ರೈತ ಸೋಮಲಿಂಗಪ್ಪ ಹರಕುಣಿ ಪ್ರೀತಿಯಿಂದ ಸಾಕಿ, ಸಲುಹಿದ ಜಾನುವಾರುಗಳು ಅಸು ನೀಗಿದ್ದನ್ಮು ಜೀರ್ಣಿಸಿಕೊಳ್ಳಲಾರದೆ ರೋಧಿಸಿದ ದೃಶ್ಯ ಕರಳು ಹಿಂಡುವಂತಿತ್ತು.