ಮಹಿಳಾ ಸೈಕ್ಲಿಂಗ್ : ಆತಿಥೇಯ ಕರ್ನಾಟಕ ಶುಭಾರಂಭ

ವಿಜಯಪುರ: ಅಖೀಲ ಅಂತರ್‌ ವಿವಿಗಳ ಅಖೀಲ ಭಾರತ ಮಟ್ಟದ ಮಹಿಳಾ ಸೈಕ್ಲಿಂಗ್‌ ಸ್ಪರ್ಧೆ ಮೊದಲ ದಿನದ 20 ಕಿಮೀ ಟೈಂ ಟ್ರೈಲ್ಸ್‌ ಸ್ಪರ್ಧೆಯಲ್ಲಿ ಅತಿಥೇಯ ಕರ್ನಾಟಕ ರಾಜ್ಯ ಮೊಲದ ಸ್ಥಾನದೊಂದಿಗೆ ಶುಭಾರಂಭ ಮಾಡಿದೆ. ಬೆಳಗಾವಿ ರಾಣಿ ಚನ್ನಮ್ಮ ವಿವಿಯ ಸವಿತಾ ಹೆಬ್ಟಾಳಟ್ಟಿ 30-22-611 ಸಮಯದಲ್ಲಿ ಗುರಿ ಮುಟ್ಟುವ ಮೂಲಕ ಪ್ರಥಮ ಸ್ಥಾನ ಗಳಿಸಿದ್ದು, ಪಂಜಾಬ್‌ ರಾಜ್ಯದ ಪಟಿಯಾಲಾ ವಿವಿ ಬ್ರಿಸ್ಟಿ ಕೊಂಗಕೋನಾ 31-24-611 ಸಮಯದಲ್ಲಿ ಗುರಿ ಮುಟ್ಟುವ ಮೂಲಕ ದ್ವಿತೀಯ ಸ್ಥಾನ ಪಡೆದಿದ್ದಾರೆ.

ಮಹಾರಾಷ್ಟ್ರದ ಮುಂಬೈ ವಿವಿಯ ಮಧುರ ವಾಯಕೇವ್‌ 31-30-125 ನಿಮಿಷದಲ್ಲಿ ಗುರಿ ಮುಟ್ಟಿ ಮೂರನೇ ಸ್ಥಾನಕ್ಕೆ ತೃಪ್ತಿ ಪಟ್ಟರು. ಶನಿವಾರ ಬೆಳಗ್ಗೆ ಬಿಎಲ್‌ಡಿಇ ಸಂಸ್ಥೆಯಲ್ಲಿ ಹಮ್ಮಿಕೊಂಡಿದ್ದ ಉದ್ಘಾಟನಾ ಸಮಾರಂಭಕ್ಕೆ ಮಾಜಿ ಸಚಿವ, ಬಿಎಲ್‌ ಡಿಇ ಸಂಸ್ಥೆ ಅಧ್ಯಕ್ಷ ಡಾ| ಎಂ.ಬಿ. ಪಾಟೀಲ ಚಾಲನೆ ನೀಡಿದರು.