ಜರ್ಮನಿಯಲ್ಲಿ ನಡೆಯಿತು ಗಡ್ಡದ ಒಲಿಂಪಿಕ್ಸ್‌

ಒಲಿಂಪಿಕ್ಸ್‌ ಮುಗಿದು, ಪ್ಯಾರಾ ಒಲಿಂಪಿಕ್ಸ್‌ ಕೂಡ ಮುಗಿದಿದೆ. ಇದೀಗ ಗಡ್ಡಕ್ಕೂ ಒಲಿಂಪಿಕ್ಸ್‌ ಸರದಿ. ಜರ್ಮನಿಯಲ್ಲಿ ಇಂತದ್ದೊಂದು ಒಲಿಂಪಿಕ್ಸ್‌ ಇತ್ತೀಚೆಗೆ ನಡೆದಿದೆ.

ಜರ್ಮನಿಯ ಪುಲ್‌ ಮ್ಯಾನ್‌ ಸಿಟಿಯ ವೆಸ್ಟರ್ನ್ ಥೀಮ್‌ ಪಾರ್ಕ್‌ನಲ್ಲಿ ಗಡ್ಡದ ಒಲಿಂಪಿಕ್ಸ್‌ ನಡೆದಿದೆ. ಪೂರ್ವ ಬವಾರಿಯನ್‌ ಗಡ್ಡ ಮತ್ತು ಮೀಸೆಯ ಕ್ಲಬ್‌ ಈ ಒಲಿಂಪಿಕ್ಸ್‌ನ್ನು ಆಯೋಜಿಸಿತ್ತು. ಜರ್ಮನಿ, ಇಟಲಿ, ಸ್ವಿಜರ್‌ಲೆಂಡ್‌, ಆಸ್ಟ್ರೇಲಿಯಾ ಸೇರಿ ಅನೇಕ ರಾಷ್ಟ್ರಗಳ ಜನರು ಇದರಲ್ಲಿ ಭಾಗವಹಿಸಿದ್ದರು.

ವಿಶೇಷವಾಗಿ ಗಡ್ಡಗಳನ್ನು ಬೆಳಸಿರುವ ಸುಮಾರು 100 ಮಂದಿ ಈ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಈ ಒಲಿಂಪಿಕ್ಸ್‌ನಲ್ಲೂ ಹಲವು ವಿಭಾಗಗಳಲ್ಲಿ ಸ್ಪರ್ಧೆ ನಡೆಸಲಾಗಿದ್ದು, ವಿಜೇತರನ್ನು ಆಯ್ಕೆ ಮಾಡಲಾಗಿದೆ. ಆಯ್ಕೆಗಾಗಿ ಏಳು ಪ್ರಸಿದ್ಧ ಕೂದಲು ವಿನ್ಯಾಸಕರನ್ನು ಜಡ್ಜ್ಗಳಾಗಿ ನೇಮಿಸಲಾಗಿತ್ತು.