ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ಕ್ಯಾಪ್ಟನ್ಸಿ ಟಾಸ್ಕ್ ಗಾಗಿ ಎರಡು ತಂಡಗಳು ರಚನೆ ಆಗಿದೆ. ತಮಗೆ ಕೊಟ್ಟಿರುವ ಪಾಯಿಂಟ್ಸ್ ರೂಪದ ಹಣವನ್ನು ಸ್ಪರ್ಧಿಗಳು ಜೋಪಾನವಾಗಿ ಕಾಪಾಡಿಕೊಳ್ಳುತ್ತಿದ್ದಾರೆ.
ಭವ್ಯ, ಶೋಭಾ ಅವರ ತಂಡದ ಸದಸ್ಯರಿಗೆ ತಲಾ ಇಂತಿಷ್ಟು ಪಾಯಿಂಟ್ಸ್ ರೂಪದ ಹಣವನ್ನು ನೀಡಲಾಗಿದೆ. ಕೊನೆಯದಾಗಿ ಯಾರ ಬಳಿ ಹಣ ಜಾಸ್ತಿ ಇರುತ್ತದೋ ಅವರು ಕ್ಯಾಪ್ಟನ್ಸಿ ಓಟಕ್ಕೆ ಸ್ಪರ್ಧಿಸಬೇಕಿದೆ.
ಐಶ್ವರ್ಯಾ ಅವರ ಬಳಿಯಿದ್ದ ದುಡ್ಡನ್ನು ಚೈತ್ರಾ ಅವರು ಬಹಳ ಜಾಣ್ಮೆಯಿಂದ ಕಿತ್ತುಕೊಂಡು ಓಡಿದ್ದಾರೆ. ಚೈತ್ರಾ ಅವರ ಈ ಮಾಸ್ಟರ್ ಗೇಮ್ ನೋಡಿ ಮನೆಮಂದಿ ಶಾಕ್ ಆಗಿದ್ದಾರೆ.
ಐಶ್ವರ್ಯಾ ಅವರು ತಮ್ಮ ಕೈಯಿಂದ ಕಿತ್ತುಕೊಂಡಿರುವ ಹಣವನ್ನು ಪಡೆಯಲು ಪ್ಲ್ಯಾನ್ ಮಾಡಿದ್ದಾರೆ. ಗೌತಮಿ ಹಾಗೂ ಚೈತ್ರಾ ವಾಶ್ ರೂಮ್ ಗೆ ಹೋಗಿದ್ದು, ಈ ವೇಳೆ ಚೈತ್ರಾ ಕಿತ್ತುಕೊಳ್ಳುವ ಹಾಗೆ ಇಲ್ಲವೆಂದು ಹೇಳುತ್ತಾ ಹೊರಗೆ ಬಂದಿದ್ದಾರೆ.
ಅತ್ಯಂತ ಕೀಳು ಮಟ್ಟಕ್ಕೆ ಇಳಿದಿದ್ದಾರೆ. ಗುಂಪು ಕಟ್ಟಿಕೊಂಡು ಕುತಂತ್ರವನ್ನು ನಾನು ಮಾಡಲ್ಲ. ಡ್ರಾಮಾ ಕ್ವೀನ್ ಯಾರು ಅಂಥ ಗೊತ್ತಾಯಿತು. ಗುಂಪು ಕಟ್ಕೊಂಡು ಪ್ಲ್ಯಾನ್ ಮಾಡ್ಕೊಂಡು ಬರಲ್ಲ. ಸಿಂಗಲ್ ಸಿಂಹದ ತರ ಬರ್ತಿನಿ ಎಂದು ಚೈತ್ರಾ ಅವರು ಗರಂ ಆಗಿದ್ದಾರೆ.
ಇದನ್ನು ಕೇಳಿದ ಐಶ್ವರ್ಯಾ ಲೋ ಲೆವೆಲ್ ಅಂಥೆಲ್ಲ ಮಾತನಾಡಬೇಡಿ ಹೌದು ನಾನು ಡ್ರಾಮಾ ಕ್ವೀನ್ ಎಂದಿದ್ದಾರೆ.
ಚೈತ್ರಾ ಅವರಿಂದ ಪ್ಲ್ಯಾನ್ ಮಾಡಿ ದುಡ್ಡು ಕಿತ್ತುಕೊಂಡು ಮತ್ತೊಂದು ತಂಡ ಖುಷಿಯಲ್ಲಿ ಡ್ಯಾನ್ಸ್ ಮಾಡಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ.
ಗುರುವಾರ ರಾತ್ರಿ (ನ.21 ರಂದು) ಈ ಸಂಚಿಕೆ ಪ್ರಸಾರವಾಗಲಿದೆ.
