BBK11: ಕ್ಯಾಪ್ಟನ್‌ ಹನುಮಂತುಗೆ ನಿಯತ್ತಿನ ಪ್ರಶ್ನೆ ಹಾಕಿ, ರೇಗಾಡಿದ ಚೈತ್ರಾ

ಬೆಂಗಳೂರು: ಬಿಗ್‌ ಬಾಸ್‌ ಮನೆಯಲ್ಲಿ ನಿಯತ್ತಿನ ಪ್ರಶ್ನೆ ಎದ್ದಿದೆ. ಕ್ಯಾಪ್ಟನ್‌ ಹನುಮಂತು ಮೇಲೆ ಸಹ ಸ್ಪರ್ಧಿಗಳು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಬಿಗ್‌ಬಾಸ್‌ ಕನ್ನಡ-11 (Bigg Boss Kannada-11) ಮನೆಯಲ್ಲಿ ಟಾಸ್ಕ್‌ಗಾಗಿ ಎರಡು ತಂಡಗಳು ರಚನೆಯಾಗಿದೆ ಚೈತ್ರಾ, ಗೌತಮಿ, ಮೋಕ್ಷಿತಾ ಒಂದು ತಂಡದಲ್ಲಿದ್ದಾರೆ. ಭವ್ಯ, ಐಶ್ವರ್ಯಾ, ಅನುಷಾ ಮತ್ತೊಂದು ತಂಡವಾಗಿ ರೂಪುಗೊಂಡಿರುವಂತೆ ಪ್ರೋಮೊದಲ್ಲಿ ತೋರಿಸಲಾಗಿದೆ.

ದೊಡ್ಡ ಚೆಂಡುಗಳನ್ನು ಗೋಲ್‌ ನತ್ತ ಸಾಗಿಸಬೇಕು ಇದಕ್ಕಾಗಿ ಕೆಲ ತಂಡಗಳು ರಚನೆಯಾಗಿದೆ. ಒದ್ದು, ಬಿದ್ದುಕೊಂಡು ಸ್ಪರ್ಧಿಗಳು ಟಾಸ್ಕ್‌ ನಲ್ಲಿ ಸೆಣಸಾಟ ನಡೆಸಿದ್ದಾರೆ. ಆಟ ಸಾಗುತ್ತಿದ್ದಂತೆ ಶಿಶಿರ್‌ ಮಂಜು ಕೈ ಮಿಲಾಯಿಸಿಕೊಂಡು ಮಾತು ಕೊಡ್ತೀರಾ ಪಕ್ಕಾವೆಂದು ಮಾತನಾಡಿಕೊಂಡಿರುವುದನ್ನು ತೋರಿಸಲಾಗಿದೆ.

ನಮ್ಮನ್ನು ಸೋಲಿಸೋಕೆ ಎರಡೆರಡು ತಂಡಗಳು ಒಟ್ಟಾಗುತ್ತಿದೆ ಎಂದು ಚೈತ್ರಾ ಹೇಳಿದ್ದು, ಈ ತರ ಆಟ ಆಡೋಕೆ ಆಟಗಳು ಆಡಬೇಕಾ ಎಂದು ಗೌತಮಿ ಗರಂ ಆಗಿದ್ದಾರೆ.

ಹಳದಿ ಕಲರ್‌ ತಂಡದವವರು ಗೆದ್ದಿದ್ದಾರೆ ಎಂದು ಕ್ಯಾಪ್ಟನ್‌ ಹನುಮಂತು ಅನೌನ್ಸ್‌ ಮಾಡಿದ್ದಾರೆ. ಹನುಮಂತಣ್ಣ ನಿಮ್‌ ಕ್ಯಾಪ್ಟನ್ಸಿ ಅಲ್ಲೇ ಈ ನಿಯತ್ತು ನೋಡಬೇಕಾಗಿತ್ತು ನಾನು. ವೋಟ್‌ ಕೊಟ್ಟ ಜನರಿಗೆ ಯಾವ ನಿಯತ್ತಿನ ಬಗ್ಗೆ ಉತ್ತರ ಕೊಡುತ್ತೀರಿ ನಾನು ನೋಡ್ತೀನಿ. ಜನ ನೋಡ್ತಾರೆ ಈ ನಿಯತ್ತನ್ನು ಎಂದು ಚೈತ್ರಾ ಹನುಮಂತು ಮೇಲೆ ರೇಗಾಡಿದ್ದಾರೆ.

ಮಂಗಳವಾರ (ನ.5ರಂದು) ರಾತ್ರಿ 9:30ಕ್ಕೆ ಈ ಸಂಚಿಕೆ ಪ್ರಸಾರವಾಗಲಿದೆ.