ಬಟ್ಟರ್ಗಾ ಮೌಲಾಲಿ ಜಾತ್ರೆ 16ರಿಂದ

ಆಳಂದ: ತಾಲೂಕಿನ ಬಟ್ಟರ್ಗಾ ಗ್ರಾಮದ ಹಜರತ ಸೈಯ್ಯದ್‌ ಹುಸೇನ್‌ ಶಾಹವಲಿ ಉರ್ಫ್‌ ಮೌಲಾಅಲಿ ಅವರ ಜಾತ್ರಾ ಮಹೋತ್ಸವ ಏ.16ರಿಂದ ಮೂರುದಿನಗಳ ಕಾಲ ಸಡಗರ ಸಂಭ್ರಮದಿಂದ ನಡೆಯಲಿದೆ. ಜಾತ್ರಾ ಮಹೋತ್ಸವ ಪ್ರಯುಕ್ತ ಈಗಾಗಲೇ ದರ್ಗಾದಲ್ಲಿ ಭರದ ಸಿದ್ಧತೆ ನಡೆಯುತ್ತಿದೆ. 

ಏ. 16ರಂದು ರಾತ್ರಿ 10:00ಕ್ಕೆ ಧಂಗಾಪುರದ ಮಾಜಿ ಶಾಸಕ ದಿ| ಶರಣಬಸಪ್ಪ ಮಾಲಿಪಾಟೀಲ ಅವರ ಮನೆಯಿಂದ ಗಂಧದ ಮೆರವಣಿಗೆ ಬಟ್ಟರಗಾದ ಸಾಹೇಬರ ಮನೆಗೆ ತಲಪಿ ಅಲ್ಲಿಂದ ಬೆಳಗಿನ ಜಾವ 4:30ಕ್ಕೆ ಸೈಯ್ಯದ್‌ ಖಥಬಿ ಹುಸೇನ್‌ ಊರ್ಫ್‌ ಸೈಯ್ಯದ್‌ ಭಾಷಾ ಸಾಹೇಬ ಸಜ್ಯಾದ ನಶೀನ್‌ ಅವರಿಂದ ಗಂಧ ಅರ್ಪಿಸಲಾಗುತ್ತಿದೆ.

ಏ. 17ರಂದು ರಾತ್ರಿ ದೀಪೋತ್ಸವ  ಕಾರ್ಯಕ್ರಮ. ಏ. 18ರಂದು ಕುಸ್ತಿ ನಂತರ ಗೀ ಗೀ ಪದಗಳು. ಖವಾಲಿ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮ ಜರುಗಲಿವೆ.