ಬ್ಯಾಟರಾಯನಪುರ: ಶಿಥಿಲಾವಸ್ಥೆಯಲ್ಲಿದ್ದ ಗೋಡೆ ಕುಸಿದು ಇಬ್ಬರ ಸಾವು

ಬೆಂಗಳೂರು : ನಗರದ ಬ್ಯಾಟರಾಯನ ಪುರದ ನೈಸ್ ರಸ್ತೆಯ ಕಿಮ್ಕೋ ಜಂಕ್ಷನ್ ಬಳಿ ಶಿಥಿಲಾವಸ್ಥೆಯಲ್ಲಿದ್ದ ಗೋಡೆ ಕುಸಿದು ಇಬ್ಬರು ಯುವಕರು ದಾರುಣವಾಗಿ ಸಾವನ್ನಪ್ಪಿರುವ ಅವಘಡ ಬುಧವಾರ ನಡೆದಿದೆ.

ಮೃತರು ವಾಲ್ಮೀಕಿನಗರದ 10 ನೇ ಕ್ರಾಸ್ ನ ಬಾಲ (30) ಮತ್ತು 2 ನೇ ಕ್ರಾಸ್ ನ ರಾಜಮಣಿ (35) ಎಂದು ಗುರುತಿಸಲಾಗಿದೆ.

ಕಂಪನಿಯ ಹಳೆಯ ಮತ್ತು ನಿರ್ಲಕ್ಷಿತ ಕಟ್ಟಡದ ಗೋಡೆಯು ಕುಸಿದು ಬಿದ್ದಿದೆ.ಬ್ಯಾಟರಾಯನ ಪುರ ಪೊಲೀಸರು ಸ್ಥಳಕ್ಕಾಗಮಿಸಿ ಪರಿಶೀಲನೆ ನಡೆಸಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.