Theft Case ಬಸ್ರೂರು, ಬಳ್ಕೂರು: ಸರಣಿ ಕಳ್ಳತನ

ಬಸ್ರೂರು: ಬಸ್ರೂರು ಹಾಗೂ ಬಳ್ಕೂರು ಪರಿಸರದಲ್ಲಿ ಕಳೆದ ಕೆಲವು ದಿನಗಳಿಂದ ಸರಣಿ ಕಳ್ಳತನ ನಡೆಯುತ್ತಿದ್ದು, ಗ್ರಾಮಸ್ಥರಲ್ಲಿ ಆತಂಕ ಮೂಡಿಸಿದೆ.

ಡಿ. 31ರಂದು ಬಸ್ರೂರು ಬಸ್‌ ನಿಲ್ದಾಣ ಸಮೀಪದ ತರಕಾರಿ ಅಂಗಡಿಯ ಮಾಡಿನ ಹೆಂಚು ತೆಗೆದು ನುಗ್ಗಿದ ಕಳ್ಳರು 5 ಸಾವಿರ ರೂ. ಕದ್ದೊಯ್ದಿದ್ದಾರೆ. ಪಕ್ಕದ ಕೋಳಿ ಅಂಗಡಿಗೆ ನುಗ್ಗಿದರೂ ಹಣ ಸಿಕ್ಕಿಲ್ಲ.

ಎರಡು ದಿನಗಳ ಹಿಂದೆ ಬಳ್ಕೂರು ಕಳುವಿನ ಬಾಗಿಲು ಸಮೀಪ ಎರಡು ಮನೆಗಳಿಂದ ಒಣಗಿಸಿದ ಸಾವಿರಾರು ರೂ. ಮೌಲ್ಯದ ಅಡಿಕೆಯನ್ನು ಕಳ್ಳರು ರಾತ್ರಿ ಹೊತ್ತು ಕದ್ದೊಯ್ದಿದ್ದಾರೆ ಎಂದು ತಿಳಿದು ಬಂದಿದೆ. ಈ ಬಗ್ಗೆ ಯಾರೂ ಪೊಲೀಸರಿಗೆ ದೂರನ್ನು ನೀಡಿಲ್ಲ.