Export: ಬಾಸ್ಮತಿ ಕನಿಷ್ಠ ರಫ್ತು ದರ ಇಳಿಕೆ- ಕೇಂದ್ರ ಸರ್ಕಾರ ಆದೇಶ 

ನವದೆಹಲಿ: ಬಾಸ್ಮತಿ ಅಕ್ಕಿ ಮೇಲಿನ ಕನಿಷ್ಠ ರಫ್ತು ದರವನ್ನು ಇಳಿಕೆ ಮಾಡಿ ಕೇಂದ್ರ ಸರ್ಕಾರ ಗುರುವಾರ ಆದೇಶ ಹೊರಡಿಸಿದೆ. ಅತ್ಯಧಿಕ ದರವು ರಫ್ತು ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತಿದೆ ಎಂದು ರಫ್ತುದಾರರು ಅಸಮಾಧಾನ ವ್ಯಕ್ತಪಡಿಸಿದ ಬೆನ್ನಲ್ಲೇ ಸರ್ಕಾರ ಈ ಕ್ರಮ ಕೈಗೊಂಡಿದೆ.

ಟನ್‌ಗೆ 1,200 ಡಾಲರ್‌ ಇದ್ದ ಕನಿಷ್ಠ ರಫ್ತು ದರವನ್ನು 950 ಡಾಲರ್‌ಗೆ ಇಳಿಸಲಾಗಿದೆ. ಪ್ರೀಮಿಯಂ ಬಾಸ್ಮತಿ ಅಕ್ಕಿಯ ಹೆಸರಲ್ಲಿ ಬಿಳಿ ಬಾಸ್ಮತಿಯೇತರ ಅಕ್ಕಿಯ ಅಕ್ರಮ ರಫ‌¤ನ್ನು ತಡೆಯುವ ಉದ್ದೇಶದಿಂದ ಸರ್ಕಾರವು ಆ.27ರಂದು ಟನ್‌ಗೆ 1,200 ಡಾಲರ್‌ಗಿಂತ ಕಡಿಮೆ ದರದ ಅಕ್ಕಿಯ ರಫ್ತಿಗೆ ನಿರ್ಬಂಧ ಹೇರಿತ್ತು.