ಬಸವನಗುಡಿ : ಖಾಸಗಿ ಜಾಗಕ್ಕೆ ಬೆಂಕಿ

ಮಡಂತ್ಯಾರು: ಬೆಳ್ತಂಗಡಿ ತಾಲೂಕಿನ ಕುಕ್ಕಳ ಗ್ರಾಮದ ಬಸವನಗುಡಿ ಸಮೀಪ ಶನಿವಾರ ಖಾಸಗಿ ಜಾಗಕ್ಕೆ ಬೆಂಕಿ ತಗಲಿದೆ.

ಧರ್ಮಸ್ಥಳ -ಮಂಗಳೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಿಗುವ ಬಸವನಗುಡಿ ಸಮೀಪ ಶನಿವಾರ ಮಾನಸಿಕ ಅಸ್ವಸ್ಥ ಮಹಿಳೆಯೊಬ್ಬರು ತಿರುಗಾಡುತ್ತಿದ್ದು, ಅವರೇ ಬೆಂಕಿ ಹಚ್ಚಿದ್ದಾರೆ ಎಂದು ಸ್ಥಳೀಯರು ಹೇಳುತ್ತಿದ್ದರು.

ಸುಮಾರು ಅರ್ಧ ಎಕರೆಯಷ್ಟು  ಪ್ರದೇಶ ಸುಟ್ಟು  ಹೋಗಿದ್ದು, ತತ್‌ಕ್ಷಣ ಪುಂಜಾಲಕಟ್ಟೆ ಪೊಲೀಸರು ಸ್ಥಳಕ್ಕಾಗಮಿಸಿ  ಸ್ಥಳೀಯರ ಸಹಕಾರದಿಂದ ಹೆಚ್ಚಿನ ಬೆಂಕಿ ನಂದಿಸಲು ಪ್ರಯತ್ನಿಸಿದರು. ಬಳಿಕ ಬೆಳ್ತಂಗಡಿ ಅಗ್ನಿಶಾಮಕದಳದವರು ಆಗಮಿಸಿ ಕಾರ್ಯಾಚರಣೆ ನಡೆಸಿದರು.