ಇಂದು 3ನೇ ಶಾಹಿಸ್ನಾನ

ಪ್ರಯಾಗ್‌ರಾಜ್‌: ಕುಂಭಮೇಳದ ಮೂರನೇ ಶಾಹಿ ಸ್ನಾನವನ್ನು ಕೈಗೊ ಭಕ್ತರು ಸಜ್ಜಾಗಿದ್ದು, ಭಾನುವಾರ ವಸಂತ ಪಂಚಮಿಯಾದ ಕಾರಣ ಸುಮಾರು ಎರಡು ಕೋಟಿಗೂ ಅಧಿಕ ಮಂದಿ ಸಂಗಮದಲ್ಲಿ ಪುಣ್ಯಸ್ನಾನ ಮಾಡುವ ನಿರೀಕ್ಷೆಯಿದೆ. ಈ ಕುಂಭಮೇಳದಲ್ಲಿ ಮೂರು ಶಾಹಿ ಸ್ನಾನಗಳು ಮತ್ತು 3 ಪರ್ವ ಸ್ನಾನಗಳು ನಡೆಯಲಿದ್ದು, ಮಾರ್ಚ್‌ 4ರಂದು ಕುಂಭಮೇಳಕ್ಕೆ ತೆರೆಬೀಳಲಿದೆ. ಕೋಟ್ಯಂತರ ಮಂದಿ ಪುಣ್ಯಸ್ನಾನಕ್ಕಾಗಿ ಆಗಮಿಸುವ ನಿರೀಕ್ಷೆ ಇರುವ ಕಾರಣ ಸಂಗಮದ ಸುತ್ತಲೂ ಉತ್ತರ ಪ್ರದೇಶ ಪೊಲೀಸರು ಹಾಗೂ ಕೇಂದ್ರದ ಅರೆಸೇನಾ ಪಡೆಯ ರಕ್ಷಣಾ ಸಿಬ್ಬಂದಿ ಯನ್ನು ಜನರ ನಿಯಂತ್ರಣಕ್ಕಾಗಿ ನಿಯೋಜಿಸಲಾಗಿದೆ ಎಂದು ಕುಂಭ ಮೇಳದ ಅಧಿಕಾರಿ ವಿಜಯ್‌ ಕಿರಣ್‌ ಆನಂದ್‌ ಹೇಳಿದ್ದಾರೆ.