ಎನ್‌ಐಟಿಕೆ ಮುಂಭಾಗ ಅಂಡರ್‌ ಪಾಸ್‌ ಬಳಿ ತಡೆಗೋಡೆ ಬಿರುಕು

ಸುರತ್ಕಲ್‌: ಸುರತ್ಕಲ್‌ನ ರಾಷ್ಟ್ರೀಯ ಹೆದ್ದಾರಿ 66ರ ಎನ್‌ ಐಟಿಕೆಯಿಂದ ಅನತಿ ದೂರದಲ್ಲಿ ಮಾಡಲಾದ ಅಂಡರ್‌ ಪಾಸ್‌ ಬಳಿ ನಿರ್ಮಿಸಲಾದ ತಡೆಗೋಡೆಯ ಕಲ್ಲುಗಳು ಉದುರಿ ಬೀಳುತ್ತಿವೆ.

ಭಾರೀ ಗಾತ್ರದ ವಾಹನ ಸಂಚಾರದ ವೇಳೆ ಮೇಲ್ಸೇತುವೆ ಈ ಭಾಗದಲ್ಲಿ ತಡೆಗೋಡೆಗೆ ವಾಹನ ಢಿಕ್ಕಿ ಹೊಡೆದಿರುವ ಸಾಧ್ಯತೆಯಿದ್ದು, ಪರಿಣಾಮ ಉದ್ದಕ್ಕೂ ಹಾಕಲಾದ ಕಬ್ಬಿಣದ ತಡೆಗೋಡೆಯ ಒಂದೆರಡು ಕಂಬಗಳು ಉರುಳಿಬಿದ್ದಿದ್ದರೆ, ಇನ್ನು ಕೆಲವು ಆಗಲೋ ಈಗಲೋ ಎಂಬಂತಿವೆ.

ಸದ್ಯಕ್ಕೆ ಹೆದ್ದಾರಿಗೆ ಸಮಸ್ಯೆ ಇಲ್ಲವಾದರೂ ತತ್‌ಕ್ಷಣ ಉದುರಿ ಬೀಳುತ್ತಿರುವ ಭಾಗದಲ್ಲಿ ಸುರಕ್ಷೆ ಕ್ರಮ ಕೈಗೊಳ್ಳುವುದು ಅಗತ್ಯವಾಗಿದೆ. ಇಲ್ಲವಾದಲ್ಲಿ ಕಬ್ಬಿಣದ ಗೋಡೆ ಉರುಳಿ ಬೀಳುವುದು ಖಚಿತ. ಈ ಭಾಗದಲ್ಲಿ ಎನ್‌ ಐಟಿಕೆ ವಿದ್ಯಾರ್ಥಿಗಳು, ಸುತ್ತಮುತ್ತಲಿನ ನಿವಾಸಿಗಳು ಉಪಯೋಗಿಸುತ್ತಿದ್ದು, ಅವಘಡವಾಗುವ ಮುನ್ನ ಹೆದ್ದಾರಿ ಇಲಾಖೆ ಎಚ್ಚೆತ್ತುಕೊಳ್ಳಬೇಕಿದೆ.