ಗುರುಪುರ ಸೇತುವೆ ಸಮೀಪದ ಆಲದ ಮರಕ್ಕೆ ಬೆಂಕಿ; ವಾಹನ ಸಂಚಾರ ಅಸ್ತವ್ಯಸ್ತ

ಬಜಪೆ: ಮಂಗಳೂರು -ಮೂಡಬಿದಿರೆ ರಾಷ್ಟ್ರೀಯ ಹೆದ್ದಾರಿ 169ರ ಗುರುಪುರ  ಸೇತುವೆಯ ಸಮೀಪದ ಕುಕ್ಕುದಕಟ್ಟೆ ಎಂಬಲ್ಲಿ ಅಲದ ಮರಕ್ಕೆ ರವಿವಾರ ಬೆಂಕಿ ತಗಲಿದ ಕಾರಣ ರಾಷ್ಟ್ರೀಯ ಹೆದ್ದಾರಿ ಸಂಚಾರ  ಕೆಲಕಾಲ ಅಸ್ತವ್ಯಸ್ತ ಗೊಂಡಿತು.

ಆಲದ ಮರ ರಾಷ್ಟ್ರೀಯ ಹೆದ್ದಾರಿಯ ಬದಿಯಲ್ಲಿದ್ದು ಮಧ್ಯಾಹ್ನವೇ ಬೆಂಕಿ ತಗುಲಿತ್ತು. ಈ ಬಗ್ಗೆ ಅಗ್ನಿಶಾಮಕ ದಳದವರನ್ನು ಕರೆಸಲಾಯಿತು. ಅವರು ಬೆಂಕಿ ನಂದಿಸಲು ಬೆಂಕಿ ಹಿಡಿದಿದ್ದ ಗೆಲ್ಲುಗಳನ್ನು ಕಡಿಯಬೇಕಾಯಿತು.ಅದರಿಂದ ಹೆದ್ದಾರಿಯಲ್ಲಿ ವಾಹನ ಸಂಚಾರಕ್ಕೆ ತಡೆಯಾಯಿತು. 

ನಡುನಡುವೆ ವಾಹನಗಳಿಗೆ ಸಂಚಾರಿಸಲು ಅನುವು ಮಾಡಿ ಕೊಡಲಾಯಿತು. ರಾತ್ರಿ ಸುಮಾರು  8 ಗಂಟೆ ವೇಳೆಗೆ ಮರ ಕಡಿದು ರಸ್ತೆ ವಾಹನ ಸಂಚಾರಕ್ಕೆ ತೆರವು ಮಾಡಲಾಯಿತು. 

ಕಾರ್ಯಾಚರಣೆಯಲ್ಲಿ ಅಗ್ನಿಶಾಮಕದಳದೊಂದಿಗೆ ಅರಣ್ಯ ಇಲಾಖೆ, ಜಿ. ಪಂ. ಸದಸ್ಯ ಯು.ಪಿ.,ಇಬ್ರಾಹಿಂ, ತಾ.  ಪಂ.  ಸದಸ್ಯ ಸಚಿನ್‌,ಗ್ರಾ, ಪಂ. ಉಪಾಧ್ಯಕ್ಷ ಉದಯ್‌ ಭಟ್‌ ಹಾಗೂ ಊರಿನವರು ಭಾಗವಹಿಸಿದ್ದರು.