Advertisement
ಬಿ.ಸಿ.ರೋಡ್‌ನ ಸಂಚಯಗಿರಿ ಹಿರಿಯ ನಾಗರಿಕ ದಾಮೋದರ್‌ ವಿಷಯ ಪ್ರಸ್ತಾವಿಸಿ, ಪ್ಲಾಸ್ಟಿಕ್‌ ಹಾವಳಿಯಿಂದ ಮಣ್ಣು ಮತ್ತು ಪರಿಸರದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತಿದೆ ಎಂದರು. ಇದಕ್ಕೆ ಪುರಸಭಾ ನಿವೃತ್ತ ಅಧಿಕಾರಿ ಶಿವಶಂಕರ್‌ ಧ್ವನಿಗೂಡಿಸಿದರು. ಮಡಿಕೇರಿಯಂತಹ ನಗರಗಳಲ್ಲಿ ಶೇ.80ರಷ್ಟು ಪ್ಲಾಸ್ಟಿಕ್‌ ಬಳಕೆ ನಿಯಂತ್ರಣಕ್ಕೆ ತರಲಾಗಿದೆ. ಈ ನಿಟ್ಟಿನಲ್ಲಿ ಇಲ್ಲಿಯೂ ಪುರಸಭೆ ಅಧಿಕಾರಿಗಳು ಸೂಕ್ತ ಕ್ರಮ ಕೈಗೊಳ್ಳುವಂತೆ ಸಲಹೆ ನೀಡಿದರು. ಮುಖ್ಯಾಧಿಕಾರಿ ರೇಖಾ ಜೆ. ಶೆಟ್ಟಿ ಪ್ರತಿಕ್ರಿಯಿಸಿ, ಈಗಾಗಲೇ ಅಂಗಡಿಗಳಿಗೆ ದಾಳಿ ನಡೆಸಿ ಸಾಕಷ್ಟು ಮಂದಿಗೆ ದಂಡ ವಿಧಿಸಲಾಗಿದೆ ಎಂದರು.
ಸಮಗ್ರ ಕುಡಿಯುವ ನೀರಿನ ಯೋಜನೆಯಡಿ ಪೈಪ್‌ಲೈನ್‌ ಕಾಮಗಾರಿ ನಡೆಯುತ್ತಿದ್ದು, ಇದರಿಂದ ಸಾರ್ವಜನಿಕರಿಗೆ ತೊಂದರೆಯಾಗುತ್ತಿದೆ. ಇಲ್ಲಿನ ರಸ್ತೆಗಳು ಕೂಡ ತೀರಾ ಹದಗೆಟ್ಟು ಹೋಗುತ್ತಿವೆ ಎಂದು ತಿರುಮಲೇಶ್‌ ಗಮನ ಸೆಳೆದರು. ಇದಕ್ಕೆ ಎಂಜಿನಿಯರ್‌ ಡೊಮೆನಿಕ್‌ ಡಿ’ಮೊಲ್ಲೊ ಪ್ರತಿಕ್ರಿಯಿಸಿ, ಪೈಪ್‌ಲೈನ್‌ ಕಾಮಗಾರಿ ಪೂರ್ಣಗೊಂಡ ಬಳಿಕ ಎಲ್ಲ ರಸ್ತೆಗಳನ್ನು ದುರಸ್ತಿಗೊಳಿಸಲಾಗುವುದು ಎಂದರು. ಇಲ್ಲಿನ ಮದ್ವ ಪರಿಸರದಲ್ಲಿ ಈಗಾಗಲೇ ಇಬ್ಬರಿಗೆ ಶಂಕಿತ ಡೆಂಗ್ಯೂ ಕಾಣಿಸಿಕೊಂಡಿದ್ದು, ಈ ಪರಿಸರದಲ್ಲಿ ಅತಿಯಾದ ಸೊಳ್ಳೆಕಾಟ ನಿಯಂತ್ರಿಸಲು ಫಾಗಿಂಗ್‌ ನಡೆಸುವಂತೆ
ಸ್ಥಳೀಯ ನಿವಾಸಿ ಸಂಜೀವ ಸಲಹೆ ನೀಡಿದರು. ಉಪಾಧ್ಯಕ್ಷ ಮುಹಮ್ಮದ್‌ ನಂದರಬೆಟ್ಟು, ಸದಸ್ಯ ಜಗದೀಶ್‌ ಕುಂದರ್‌, ಬಜೆಟ್‌ ತಯಾರಿಕೆ ಸಿಬಂದಿ ಸುಷ್ಮಾ, ವ್ಯವಸ್ಥಾಪಕಿ ಲೀಲಾವತಿ, ರಜಾಕ್‌ ಉಪಸ್ಥಿತರಿದ್ದರು. ಫುಟ್‌ಪಾತ್‌ ಇಲ್ಲ
ಬಂಟ್ವಾಳ ಪೇಟೆಯಲ್ಲಿ ಪಾದಚಾರಿಗಳಿಗೆ ನಡೆದಾಡಲು ಫುಟ್‌ಪಾತ್‌ ಇಲ್ಲ. ಕಾಲುದಾರಿಯನ್ನು ಬಹುತೇಕ ಅಂಗಡಿಯವರು ಅತಿಕ್ರಮಿಸಿಕೊಂಡಿದ್ದಾರೆ. ಬಿ.ಸಿ.ರೋಡ್‌ನ ಕೈಕುಂಜೆ ಹಿಂದೂ ರುದ್ರಭೂಮಿ ಸ್ಥಿತಿ ಶೋಚನೀಯವಾಗಿದೆ. ಅದರ ಛಾವಣಿ ಶಿಥಿಲಾವಸ್ಥೆಯಲ್ಲಿದ್ದು, ಇಲ್ಲಿನ ದೀಪಗಳು ಉರಿಯುತ್ತಿಲ್ಲ ಎಂದು ಸೇಸಪ್ಪ ಮಾಸ್ಟರ್‌, ಸುಕುಮಾರ್‌ ಬಂಟ್ವಾಳ, ನಾರಾಯಣ ಪೆರ್ನೆ ಮತ್ತಿತರರು ಮಾಹಿತಿ ನೀಡಿದರು.