Bank: ಬ್ಯಾಂಕ್‌ ಮ್ಯಾನೇಜರ್‌ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆ

ಬದಿಯಡ್ಕ: ಎಡನಾಡು ಸೇವಾ ಸಹಕಾರಿ ಬ್ಯಾಂಕಿನ ಕಳತ್ತೂರು ಬ್ರಾಂಚ್‌ ಮ್ಯಾನೇಜರ್‌, ನಾರಂಪಾಡಿ ನೆಲ್ಲಿಯಡ್ಕ ಪಳ್ಳ ನಿವಾಸಿ ರಾಮಚಂದ್ರ(46) ಅವರು ಮನೆಯ ಬಚ್ಚಲು ಕೋಣೆಯಲ್ಲಿ ನೇಣು ಬಿಗಿದು ಸಾವಿಗೀಡಾದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ.

ಅವರು ಶುಕ್ರವಾರದಂದು ಬ್ಯಾಂಕ್‌ಗೆ ರಜೆ ಹಾಕಿದ್ದರು. ಪತ್ನಿ ಮವ್ವಾರಿನಲ್ಲಿರುವ ತಾಯಿ ಮನೆಗೆ ಹಾಗೂ ಪುತ್ರ ಶಾಲೆಗೆ ತೆರಳಿದ್ದಾಗ ಈ ಕೃತ್ಯ ಎಸಗಿದ್ದಾರೆ ಎನ್ನಲಾಗಿದೆ. ಬದಿಯಡ್ಕ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.