Advertisement
ಇದು ಕೊಹ್ಲಿ ಪಡೆಯ 2ನೇ ಅಭ್ಯಾಸ ಪಂದ್ಯ. ಓವಲ್‌ನಲ್ಲಿ ನಡೆದ ಮೊದಲ ಮುಖಾಮುಖೀಯಲ್ಲಿ ನ್ಯೂಜಿಲ್ಯಾಂಡ್‌ ವಿರುದ್ಧ ಭಾರತ 6 ವಿಕೆಟ್‌ಗಳ ಸೋಲುಂ ಡಿತ್ತು. ಹೀಗಾಗಿ ಬಾಂಗ್ಲಾ ವಿರುದ್ಧದ ಪಂದ್ಯ ಭಾರತದ ಪಾಲಿಗೆ ಮಹತ್ವದ್ದಾಗಲಿದೆ. ಗೆದ್ದು ತಂಡದ ಆತ್ಮವಿಶ್ವಾಸವನ್ನು ಹೆಚ್ಚಿಸಿಕೊಳ್ಳುವ ಅನಿವಾರ್ಯತೆ ಇದೆ.
ನ್ಯೂಜಿಲ್ಯಾಂಡ್‌ ವಿರುದ್ಧ ಭಾರತ ಘೋರ ಬ್ಯಾಟಿಂಗ್‌ ವೈಫ‌ಲ್ಯಕ್ಕೆ ಸಿಲುಕಿ ಪಂದ್ಯವನ್ನು ಕಳೆದುಕೊಂಡಿತ್ತು. ಮಧ್ಯಮ ಸರದಿಯ ಸಮಸ್ಯೆಯನ್ನು ಹೋಗಲಾಡಿಸಿಕೊಳ್ಳಬೇಕೆಂಬ ಯೋಜನೆಯೊಂದಿಗೆ ಕಣಕ್ಕಿಳಿದ ಭಾರತ ಶೋಚನೀಯ ಕುಸಿತವೊಂದನ್ನು ಕಂಡಿತು. ಅಗ್ರ ಕ್ರಮಾಂಕದ ಮೂವರು ಬೇಗನೇ ಪೆವಿಲಿಯನ್‌ ಸೇರಿಕೊಂಡರೆ ಆಗ ಟೀಮ್‌ ಇಂಡಿಯಾದ ಸ್ಥಿತಿ ಏನಾಗಬಹುದು ಎಂಬುದಕ್ಕೆ ಇಲ್ಲಿ ಸ್ಪಷ್ಟ ನಿದರ್ಶನ ಸಿಕ್ಕಿತ್ತು! ರವೀಂದ್ರ ಜಡೇಜ ಅವರ ಅರ್ಧ ಶತಕವೊಂದೇ ಸಮಾಧಾನ ಮೂಡಿಸಿತ್ತು.
Related Articles
Advertisement
ಬೌಲಿಂಗ್‌ ಸಾಮಾನ್ಯಭಾರತದ ಬೌಲಿಂಗ್‌ ಕೂಡ ಸಾಮಾನ್ಯ ಮಟ್ಟ ದಲ್ಲಿತ್ತು. ಟ್ರೆಂಟ್‌ ಬೌಲ್ಟ್ ಸ್ವಿಂಗ್‌ ಎಸೆತಗಳಲ್ಲಿ ಹಿಡಿತ ಸಾಧಿಸಿದರೂ ಭಾರತದ ಬೌಲರ್‌ಗಳಿಗೆ ಇದು ಸಾಧ್ಯವಾಗಿರಲಿಲ್ಲ. ಇದರಿಂದ ಬಾಂಗ್ಲಾದೇಶ ವಿರುದ್ಧದ ಪಂದ್ಯ ಭಾರತದ ಬೌಲರ್‌ಗಳಿಗೂ ಅಗ್ನಿಪರೀಕ್ಷೆ ಆಗಲಿದೆ. ಎದುರಾಳಿ ಮೊದಲು ಬ್ಯಾಟಿಂಗ್‌ ನಡೆಸುವಂತಾದರೆ ಭಾರತ ಒಟ್ಟು ಸಾಮರ್ಥ್ಯವನ್ನು ಅಂದಾಜಿಸಬಹುದು. ಬಾಂಗ್ಲಾ
ಅನುಭವಿಗಳ ಪಡೆ
ಬಾಂಗ್ಲಾದೇಶ ಬಲಿಷ್ಠ ಹಾಗೂ ಅನುಭವಿ ಆಟಗಾರರನ್ನು ಹೊಂದಿರುವ ತಂಡ. ಮೊರ್ತಜ, ತಮಿಮ್‌, ರಹೀಂ, ಮಹಮದುಲ್ಲ, ಶಕಿಬ್‌, ಮುಸ್ತಫಿಜುರ್‌ ಅವರೆಲ್ಲ ಅಪಾಯಕಾರಿ ಕ್ರಿಕೆಟಿಗರಾಗಿದ್ದಾರೆ. ಎಚ್ಚರಿಕೆ ಹಾಗೂ ಹೆಚ್ಚು ಜವಾಬ್ದಾರಿಯಿಂದ ಆಡಿದರೆ ಬಾಂಗ್ಲಾದಿಂದ ಉತ್ತಮ ಪ್ರದರ್ಶನವನ್ನು ನಿರೀಕ್ಷಿಸಬಹುದು. ಬಾಂಗ್ಲಾದೇಶ ಎಷ್ಟೇ ಚೆನ್ನಾಗಿ ಆಡಲಿ, ಭಾರತ ಇದನ್ನು ಮೀರಿಸಿದ ಆಟದೊಂದಿಗೆ ಗೆಲುವಿನ ಸಂಭ್ರಮ ಆಚರಿಸಬೇಕು. ಮಳೆ ಸುರಿದರೆ ಪಾತ್ರ ಎಲ್ಲ ಲೆಕ್ಕಾಚಾರ ತಲೆ ಕೆಳಗಾಗಲಿದೆ!